حوار ساخن بين البنات والشباب

[freeheart]

بسم الله الرحمن الرحيم


انا لقيت الموضوع ده فى منتدى تانى وعجبتنى فكرته جدا



هو ان الشباب والبنات فى المنتدى بيطرحوا قضيه معينه

ويناقشوها بين بعض


بمعنى ان شاب يقول شئ لا يعجبه فى البنات

وكذلك البنات


وكل واحد يحط الرد بتاعه ووجه نظره فى الموضوع والحوار

[لــــــحــــــن الــــورد]

الفكره كويسه جدااااااا وياريت بجد كلنا نشارك فى الفكره ديه

[انسان حزين]

فكره جميله جدا بس ينفع نحط مواضيع عامه كلنا نتشارك فيها ؟؟؟؟؟؟

[عمرو]

فكرة حلوة اوى بثومة انا معاك وياريت تتنفذ

[freeheart]

يا محمد الفكره اصلا عن مواضيع عامه مش مواضيع شخصيه بشخص معين


وياريت حد يحط موضوع نتكلم فيه ولا ابدء انا

[لينا]

على فكره الفكره دي كويسه جدا وانا موافقه عليها

[البحر الغامض]

انى احتج ههههههههههههههههههههههههههه موافق ياض فكرة جامده اوووووووووووووووى وياريت فى اقرب وقت ممكن



البحررررررررررر

[القلب المجروح]

انا موافقه جدا على الفكره دى يابثومه

[بسكوته]

اكيد فكره حلوه يا بثومتى طالما انت اللى مقترحها :::::::::::::: لــولــلا

[HaMaDa ElSaHeR]

فكره حلوه جدا عشان الواحد يظهر العيوب اللى بيشوفها فى البنات

[freeheart]

والله يا جماعه انا حبيت افتح الحوار فى المشاكل العامه


وطبعا اهم المشاكل الى موجوده حاليا هى الزواج


طبعا الكل بيقول انه مش مشكله بالعكس الجواز اكبر مشكله للشباب فى الوقت الحالى

الواحد بيكون لسه متخرج عاوز يبدأ حياته طبعا مفيش شغل

مفيش اى حاجه يعتمد عليها فبيدور على اى طريق يشتغل لمده 25 ساعه فى الاربعه وعشرين ساعه

طبعا البنات ست الهانم قاعده فى البيت وخلاص

ولما اروح عشان اخطب بقى ابوها يحط رجل على رجل ويقعد بقى

عاوز كذا وكذا وكذا

طيب والحل ؟؟؟؟

طبعا الكل بيشوف الغلاء الى الواحد بقى فيه عشان مثلا اروح اجيب شبكه هتكلف اد كده

وغيره ............................... وطبعا الشاب عاوز يعمل كل حاجه عشان الى بيحبها


ارجو التعبير بالراى الصريح

[القلب المجروح]

والله يابثومه المشكله دى مش لشباب بس لا والبنات كمان لان لو الشاب اللى هى بتحبه زى منتا بتقول كده مش عنده القدره ان يجبي كل مطالب الاهل فهى بالتالى كده مش هتعرف تتجوز اللى بتحبه وبردو هى مش هتكون سعيده يعنى زى منتا بتقول قاعده هانم بالعكس هى بتكون عذبه جدا بس المشكله فى الاهل بقى وهما فاكرين ان الفلوس هى اللى بتعيش البنت كويس بالعكس ممكن يكون فى فلوس والبنت مش سعيده وكل يوم فى مشكله بس احنا مهما نتكلم ياجماعه فى المضوع دا مش هيتغير لان الاهل هما الاهل واللى فى دماغهم هو هو وعلى فكره الموضوع دا من قديم الزمن الاهل بيدورا على المستوى المدى علشان البنت تعرف تعيش يعنى مش فى زمنا دا وبس ومرسيه يابثومه كتير على موضوعك

[انسان حزين]

والله يا جماعه الموضوع ده كبير اوي
يعني مثلا لو جينا نتكلم عن الشباب لو شاب في كليه ومهما كان بيشتغل وهو في الكليه مش ههايقدر حتي يكون تمن الشبكه اللي الاهل بيطلبوها يعني اقل تقدير دلوقتي للشبكه 7000 جنيه واهل البنت بيقولو احنا ماجبناش شبكه للبنت
المهم الولد لسه قدامه الكليه ولما يخلص لسه قدامه الجيش وبعدين يبدأ يفكر انو يخطب ويتصدم بطلبات اهل البنت
وزي ما بسام بيقول ابوها يحط رجل علي رجل ويقول انا عايبز لبنتي شقه علي النيل وتكون مفروشه كلها من محل كذا .....................................الخ
فعقبال ما الشاب مننا يوفر طلبات الاهل ان شاء الله يتجوز بعد سن الستين

[انسان حزين]

انما انا ان شاء الله يعني هاحط رجل علي رجل واتأمر عليه هاخلي اهل العروسه هما اللي يفرشو الشقه وانا هاجيب السجاد
ههههههههههههههههههههههههههههههههههههههههههههه ههههه

[freeheart]

شكرا لمروركم يا جماعه

بس فى نقطه يا سلمى البنت مهما كانت هتتجوز وهتنسى والحال واحد بالنسبه للولد مش بعيد وهو خارج من باب الشقه

انما انا بناقش القضيه ثانيا انا اعرف حقيقه واحد سعودى جوز بنته لشاب وكان مهرها ريال

انما يا محمد انت وقت ما هتروح تخطب اصلا هتبقى عاوز 5 ينشفوا عرقك مش تحط رجل على رجل ه

ههههههههههههههههههههههههههههههههههههههههههههه ههههه ههههههههههههههههههه

[بسكوته]

بصراحه بقى مش كل الناس كده ممكن تكون البنت بسيطه واهلها بيطلبوا كتير علشان عاوزين يضمنولها حقها؛؛ وممكن يكونوا الاهل طماعين والبنت راضيه بقليلها مش شرط

وبالنسبه للشاب ارتفاع الاسعار ده عالكل ولازم الكل يقدر وهى البنت لو بتحبه هتستحمل وهتصبر
بس الاهم ان يكون الانسان ده بيحبها بجد ومستعد يجيب كل حاجه مش مهم هيستنوا قد ايه بس المهم يكون بيعمل ده كله علشانها هى مش علشان يتجوز وخلاث
وفعلا دى مشكله اى بنت فعلا عاوزه تستقر بس لو اخدت واحد مش بتحبه مش هتعرف تستقر
يبقى تستحمل بقى مع اللى تحبه علشان تستقر كوييس ::: وهو كمان يقدر انها صابره معاه :: وهى تقدر انه بيعمل كل ده علشانها هى علشان يتجوزها هى::
لكن لو هو مش مقدر انها مستنياه وصابره عليه وهو مش بيشتغل علشانها هى يبقى مش ليه لزوم تضيع وقتها وقلبها عليه : يبقى لازم تشوف اللى يقدرها ويستاهلها بجد : واكيد هتلاقيه باذن الله
والعكس طبعا للاولاد

::::::::::::::::::::::::::::: لـولــلا

[البحر الغامض]

مفيش حاجه مستحيله



البحرررررررررر

[freeheart]

يا حسام احنا بنتكلم فى الموضوع مش عشان تيجى تقولى مفيش حاجه مستحيله احنا بنتكلم من حيث الضغوط الى بتكون على الشباب

والبنات بتوضح ضغوط بتتعرض لها


ياريت تبقى مناقشه

[freeheart]

يا بسكو انا مش معترض على غلاء الاسعار والكلام ده انا عاوز اناقش الموضوع بحيث انه مشكلع عامه مش خاصه بعدد معين

ثانيا يعنى ايه يضمن حق بنته

انا لو فى نيتى حاجه منا ممكن اتجوز واعمل كل الى الاهل يطلبوه واوريها الذل فى عيشتها بعد كده

[yara]

فكره حلوه اوى يابثومه وياريت تعملها

[freeheart]

يارا انا اتكلمت فى موضوع

ههههههههههههههههههههههههههههههههههههههههههههه ههه


المفروض انك تناقشى الموضوع معانا

ههههههههههههههههههههههههههههههههههههههههههههه ه

[yara]

انا من راى يابثام ان الناس كلها مش زى بعض يعنى المفروض الاب مش يطلب غير لما يشوف الانسان ده ولو فعلا الانسانه ديه بتحبه هتقف جمبه لحد مايبنوا مستقبلهم مشكووووووووووور بثومه على الموضوع الهايل ده

[yara]

بثومه مختش بالى خلاص عديها ههههههههههههههههههههههههههههههههههههههههه انسان انته عليك السجاد اشمعنه السجاد بقىىىىىىىىىىىىىىىىىىىىىىىىىى هههههههههههههههههههههههههههههههههههههههههههه

[لــــــحــــــن الــــورد]

والله يابسام الغلا فى كل حاجه والشاب مش بايده حاجه غير انه يحط ايده على خده لحد اما الفرج يجى منناحيه الجواز اى اب وام بيكونى عايزنى مستوى كويس جداااا علشان البنت بعد كده تكون سعيده بعد كده وده وجهه نظر الاهل ومفيش حد حد منهم يشوف ان البنت بتحب الشاب ده والشاب بيحبها والحب فى الاساس بنهم اللى يخليهم يعيشوا بعض كدع مع بعض بس مفيش فايده الاهل هما الاهل ومفيش تغير والنتيجه واللى بيحصل الشاب بيتجوز واحده تكون كويس وخلاص وطبعا من غير حب وده هايكون بعد كتيرررر طبعا علشان الظروف والبنت هاتتجوز وتعيش مع واحد ولا بتحبه وعايزه تعيش معاه

وبجد موضوعك هائل

[freeheart]

شكرا يا لحن على ردك ومرورك

بس يا لحن فين دور البنت فى الموضوع انتى اغفلتيه كتير اوى

البنت برضه تقدر تقنع اهلها بالشخص ده لو هى بتحبه بجد

[freeheart]

برضه يا جماعه انا مش شايف حد ذكر دور الاتنين الى بيحبوا بعض فى مواجهه الامر


فين دور اقتاع الاهل ؟

زى ما يكون الكل بيقول ان الموضوع مستحيل

انا شايف ان فى ناس طلبتها مش كتير برضه وده بيجى من اقناع البنت لاهلها وبرضه الولد مش مطلوب منه يقف حاطط ايده على خده

بس المهم يكون فى السبب الى هيخليه يتحرك اسرع


وشكرا

[لــــــحــــــن الــــورد]

دور البنت فى اقناع الاهل بالشخص ده مهما هى كانت بتحبه هايكون صعب اقناعهم ومهم عملت وقالت هايكون صعب بجد صدقنى وانا قولت ان الاهل بيشوف الموضوع من زويه واحده يابسام

[freeheart]

لحن مع احترامى لرايك بس مش الاهل هما الى هيتجوزا ومش تقنعينى ان فى واحد بتعمل حاجه غصب عنها

اذا كانت بتحبه حقيقى هترفض مليون واحد وهتقنع اهلها بالشخص الى هى بتحبه

[لــــــحــــــن الــــورد]

ممكن برده بس انا بقولك على واقع وبيحصل كتير وعن تجربه يابسام علشان كده انا عارفه انا بقول ايه

[temoo]

بص يا بثومه

هوا الحب عن الاهالى مش ليها ايى لازمه ودى حاجة وضحه

انا هفتكرلك موضوع بس مش عايز حد يزعل مني

اقربها موضوع لحن

قالت لا مليون مرة مع ذلك الاهل عادى اللى على مزجهم اتعمل

تانى موضوع

عمرو ونوال

نوال قالت لا برضو بس من غير استمع

يعنى الاسرة مش بتخود القرار على اساس البنت

لا على اساس ريهم هما

مشكور بثومه

[freeheart]

انا معاكم يا جماعه

بس برضه فى حل للكلام ده كله

انا اعرف واحده قالتها لاهلها هاجى قدام المأذون وهقول لاء والى انتو عايزينه اعملوه

وواحده تانيه قالت انا هاخد الشخص ده يا خلاص

وده كلام حقيقى مش افلام

يعنى البنت مهما كانت شخصيتها فى البيت ليها تاثيرها

[donya]

بثومة بجد فكرة جميلة جدااااا بس ياريت فى أقرب وقت علشان انا عاوزة اقول عيوب الشباب والبنات
دنـــياااا

[AhMeD ElSaHeR]

ياعم بسام لو البنت هتقنع اهلها بالعافيه هيبقى فيه مشاكل بعد الجواز ما بين اهلها وبينك وبين اهلك والجواز ده مسئوليه كبيره لازم الواحد يقدرها ويدرسها من الاول عشان لو مدرسهاش كويس بيحصل مشاكل كتير بعد الجواز بين اهل العروسه والعريس فأنت لازم لما تيجى تفكر تفكر صح تاخد البنت اللى تحبك وتقدر تحافظ على بيتك ومتخدتش واحده مش عاوزاك لان ده هيأدى لمشاكل كتير بعد الجواز وساعتها هتخسر كتير فالجواز ده مسئوليه كبيره لازم الواحد يحسبها قبل ما يبتدى اى خطوه وفعلا احنا ربنا يكون معانا لأن فعلا دلوقتى مفيش شغل والحاجات بقت غاليه قوى بس انت لما تيجى بردو تختار يا بسام تحاول تاخد واحده اهلها طيبين وكويسين وهما هيرعوك ويراعو ظروفك وبقول فى الاخر ان ربنا معانا ويوفقنا جميعاً يارب واللهم ارزقنا حسن الخاتمه يارب العالمين

[لينا]

فكره كتييييييييييييير حلوه وانا بردو عاوزه اقول عيوب الشباب وبعض عيوب البنات

[temoo]

فكرة جميله يا حبي

بس كل انسان ليها عيوب اذا كان بنات او ولد

شكرا ليك

[freeheart]

انا عاوز افهم الناس الى داخله تقول فكره جميله دى بتقول فكره جميله على ايه؟؟؟؟؟

وشكرا يا عم احمد على ردك لكن انا مش بتكلم على اختيار شخص معين انما بتكلم على ان الشخص اختار الى بيحبها وفى نفس الوقت الاهل مغاليين جدا معاه فى طلباتهم فبناقش ايه هو دور البنت فى اقناع الاهل وفى نفس الوقت يمكن ربنا يرزقنا بحل للكلام ده كله

[desperado]

والنعمه والنعمه والنعمه موضوع جاااااامد مووووت يلا ابدا انا ولا بلاش لحد يزعل منى هههههههههههههههه اصل انا هخرف ههههههههههه

[بسكوته]

عادى يا ديس اتكلم وخرف براحتك
يمكن تكون كلمه انت تقولها بتخاريف تطلع على حق وتكون حل كويس

يا بثومه الاهل مشكله فعلا :: بس فى حاجه اسمها خال وخاله وعم وعمه
لو البنت مش قدرت تقنع باباها ومامتها تروح لحد من قرايبها ويتكلموا مع اهلها
وزى ما قلتلك قبل كده مش شرط يكونوا الاهل هما اللى طماعين وبيغلوا الحاجه عالعريس
ممكن يكونوا عاوزين احسن حاجه لبنتهم وبنتهم مش فاهمه كده عاوزه تتجوز اللى بتحبه وخلاص
ساعات بتكون الاهل معزوره :: بس ساعات بيحكموا رايهم بردو وبيتحكموا زياده عن اللزوم
الحل بقى ان البنت تكلم حد من قرايبها يقنع اهلها :: ولازم الاهل يوافقوا
لان فى بنات لمااهلها بتقف قدامها مش بيعملولهم حساب::: واعوذ بالله منهم
يبقى الاهل هنا لازم تتصرف بعقل ومش تتحكم وخلاص الموضوع ده رضى وتراضى
وكل حاجه بالخناق الا الجواز بالاتفاق

:::::::::::::لــولــلا

[freeheart]

شكرا يا بسكوته على ردك

بس انا قلت قبل كده ان مهما كانت المغلاه مش معنى كده يا تعمل يا مع السلامه ورينا جمال خطوتك

لا بالعكس انا ممكن اها اغالى فى حاجه لو لقيت الانسان الى قدامى على استعداد انه يجيبها اوكى
ماهو انا ممكن استلف مثلا واجيبلها الشبكه ام نص مليون جنيه ولما تدخل بيتى اقلعهالها واطلع عين اهلها واحد واحد ومحدش ليه عندى حاجه واحد ومراته مش معنى انى بقول عاوز وعاوز واغلى حاجه يبقى انا بامن مستقبل بنتى

[اتحدى العالم]

بص ياصحبى الزمن الى انت بتتكلم عليه ده انتهى ان الاب يقعد ويحط رجل على رجل انتهى شكلك كنت متقدم قبل الدستور ولا حاجة المهم ياعمنا الى بتقول عليه كان يمكن زمان وقول للزمان ارجع يازمان هيقعد ويحط رجل على رجل يبقى يربطها جنبه فى رجل السرير ويدبحها على العيد ان شاء الله كان زمان تلاقى الراجل يحط رجل على رجل لان نسبة التعليم فى البنات كانت قليلة لكن دلوقتى الكل بيتعلم وتعليم عالى ومعيدات ودكاترة وغيره يعنى لو رفضك انت هتلاقى غير بنته مليون نفسهم والشقة والمأذون عليهم وشوفت ده بعينى انا شخصيا محجوز من ابويا وامى بس النفس بقى وخليكو ياشباب واثقين فى نفسكم البنات الى بتجرى ورانا دلوقتى لانهم لو مش جريو هنجرى احنا ونسبقهم علشان كدة الابهات بقو بيتنازلو عادى ومتساهلين وممكن يدهالك وياخد مكنها وصلة دش ومافيش اى مشاكل ومافيش اى مشاكل والجواز مافهوش مشكلة خالص دلوقتى وربنا يوفقك ياعم وتلاقى اب عايز وصلة دش ههههههههههههههههههههههه

[اتحدى العالم]

يااااااااااااااااااااااااااااااااااااااااااااااااا اااااااااااااااااااااارب ارحمنا

[topak mohamed]

فكره جميله وفى نفس الوقت الكل يعرف بعضه على الحقيقه ولزم نكون صرحه مع بعض وده اكيد




topak mohamed

[سحر الشرق]

مـوضوع أكثر من راائع

وانشاللــه راح يكــون في تفااعل

تقبليــ مروري

سحر الشرق

[freeheart]

هو الموضوع فعلا اتضاف لكن للأسف واضح ان الاعضاء محدش بص على الموضوع المطروح

[هبه الله]

بصوا بئه يا شباب انا هقولكم حاجه
اصل الواحد مش هيروح يخطب اى بنت اكيد هيكون بيحبها وهى بتحبه
واكيد البنت هضحى عشانه وهتستناه وتساعدة كمان وعاى فكرة كمان
البنت بتجهز ذى الولد بظبط ويمكن بتجيب حاجات اكتر بس مش دا الموضوع
الحب هو الاساس بتحبك وبتحبها هتعملو حاجه وتكونو لبعض بس حب حقيقى ومش مجرد كلمه
ومن رئيى ان الحب كل شىء فى الوجود ومن غيرة منقدرش نعيش
الحب هو التضحيه بيباااااااااااااااااااااااااااااى هبه الله [/email]

[freeheart]

شكرا لمرورك يا هبه
لكن فى فعلا ناس بتروح تخطب اى حد وخلاص

[mido frank]

ودا صح يا فرى نفترض انها بتحب واحد تانى اكيد لو مرتاح يعنى هايوفقوا بيه يبقى هايعيش طول عمرة مش راجل سورى دخلت فى موضوع تانى
بس يا جماعه الخطوبه او الجواز مسؤليه كبيرة ولازم اللى يروح يتقدم يكون اد المسؤليه من اول الطريق لاخرة وعن الحب فدا اكبر دافع انه يكمل طريقه ويعمل المستحيل عشانه

[freeheart]

شكرا لمرورك يا ميدو وانا معاك فى الراى
لكن انت من وجه نظرك ان فى واحد ممكن يتقدم وهو مش عارف مسئولياته؟

[badr alaa]

لا تعترضى على قضاء الله

[badr alaa]

على فكره الفكره دي كويسه جدا وانا موافقه عليها
بالنسبه للتوقيع يالينا لاتعترضى على قضاء الله فى الجمله اللى بتقول ( ياريت ربى لم يكتب لحظة الوداع ) اشكرك جدا

[البرنسيسة]

مرسى أوى على الموضوع دا
طبعا الحكاية كبيرة قوى بس أنا شايفة ان المجتمع و نظرته شى اساسى
يعنى حتى لو الأهل من الطرفين موافقين ودا طبعا يبقى رقى و تحضر منهم المجتمع مش بيسبهم فى حالهم
بس لازم نطمأن لأن فى شباب مستعدين يواجهوا سلبيات المجتمع

[شهودة]

فكرة جنان بس بلاش اللون الاصفر الي يحول ده

[وكيل الحب]

موافق ياض فكرة جامده اوووووووووووووووى وياريت فى اقرب وقت ممكن