يوميات صعيدى بيحب بنت فى الجامعه [الأرشيف]

محمود بركات

11-18-2008, 12:03 PM

النهاردا جيبلكم يوميات

صعيدي بيحب بنات استيل اوي في الجامعة و يارب اليوميات تعجبكم

نبتدى بالحلقة الاولى

احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف
سابته ومشيت .....وقال
احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

وكده اليوم الاول خلص

لو عاوزين باقى القصة قولولى وانا اقولكم
ايه اللى حصل فى اليوم اللي بعده
تابعوا معايا بقى قصة حب احمد الصعيدي ونور البنت الاستايل

علاء البريسى

11-18-2008, 06:47 PM

ممكن تكمل القصه

محمود بركات

11-18-2008, 06:52 PM

من عنيا يابرنس بس لما نشوف باقى تفاعل الاعضاء

مرسى على المرور يا باشا ويارب تكون البداية عجبتك

محمود بركات

11-19-2008, 09:37 AM

ايه ياجماعة مفيش حد عاوز يكمل القصة

بصراحة فى مواضيع كتير الاعضاء مبيكلفوش نفسهم ويشوفوها
بس كدا احنا بنزل ومحدش بيشوفها يبقى ملهاش لزمة ننزلها
انتم عارفين الزوار لو يعلقوا يقولوا الموضوع وحش يبقى احسن من انهم يتجاهلم الموضوع

ومستنى ردودكم

محمود بركات

11-20-2008, 08:03 AM

شكلها كدا قصة وحشة

بس انا هنزل الجزء التانى علشان علاء ونشوف باقى الاعضاء المرة دى

الحلقة التانية

وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا احمد ...ماشية عكس خالص...مش عارف يتأقلم عليها وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج من 6 الصبح مش عارف ليه ونبتدي الحلقة التانية يا جامدين

احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش مياه يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح

كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش عاجبك
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين والدك....

وفجأة سمع صوت الدكتور بيناديله ......

الدكتور:مالك يابني مكشر من اول السنة ليه كده
احمد :لو سمحت معاك نمرة ماحمول العميد
الدكتور : ههههههههههه ايوة ليه
احمد : عاوز اقدم شكوى في البت دي
نور :متقولش بت
احمد :هجول بت وستين بت كمان قومي يلا
الدكتور : بس بقى اخرس شوية يا اما هطردك
احمد : انا ...تطردني ليييييييه هاتلي مكان سعادتك
الدكتور : تعالى اعد جنبي هنا على الكرسي ده
احمد : وااه...اجعد جنبك مرة واحدة يا داكتووور
الدكتور :ايوة تعالى

وهو نازل راح وقع الكتاب بتاع نور ورمى اقلامها
راحت نور ضربته على ضهره..قال ااااااااااااه
وصوته سمع المدرج كله والكل فضل يضحك عليه

الدكتور : اطلع برا يلا...مش هتحضر المحاضرة
احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي
احمد : على ايه بقى ما المحاضرة خلاص
نور : خد المحاضرة بتاعتي انقلها وانا هستناك
احمد : بجد بتتكلمي بجد
نور : ايوة مع انهم اكتر من عشر صفحات بس هستناك
احمد : متشكر يا مازمازيل نورة
نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت
بس شكلها طيبة جوي....الخط مش كل حاجة في الانسان يعني
احمد لمح نور وهي جاية وبتبتسم بخجل

لو عايزين تعرفه حصل ايه تبعوا الحلقه الجايه

ان شاء الله

حيـــــاة

11-21-2008, 07:23 PM

جميله اووووووى يامحمود
تسلم ايديك
وفي انتظار المزيد
تقبل مرورى

محمود بركات

11-21-2008, 07:41 PM

تسلمى يا حياة المنتدى

على المرور الجميل

ومن عنيا اكمل اجمل قصة علشان خاطرك

مع العلم بان الاعضاء شكلهم مش عاوزين القصة

بس علشان حياة من عنيا الاتنين دى كفاية انها مشرة الموضوع

محمود بركات

11-25-2008, 11:54 AM

الحلقه التالته

نور : احمد انت خلصت المحاضرة

احمد : لأ لسة انا في اول صفحة مش عارف اجرا الكلمه دى

نور قرت الكلمة

نور : اوكي كمل انا هستناك

احمد :لا لا انتي لازم تروحى دلوقتى عشان انتى اتاخرتى خالص

نور : طيب والمحاضرة

احمد : تتحرج المحاضره

نور ضحكت ضحكة رقيقة جدا حركت قلب احمد الاسد

احمد : ممكن اوصلك لحدالباب...والله لحد الباب بس

نور : اوكي اوكي مفيهاش حاجة اتفضل

احمد : انتي فى الجامعة هنا من امتى

نور :ايه يا احمد انا في سنك لسة اول سنة

احمد : اناعارف انا عارف

احمد : وياترى دخلتي هنا واسطة ولا ايه

نور: هههههههههههههههههه ...احمد مالك في ايه

احمد : لا بهرج معاكي

نور : تعرف انك.....

احمد :اني ايه؟

نور : طيب اوووي

احمد : وانتي انسانة محترمة اه فعلا محترمه بجد

نور : ميرسي

احمد فى سره: يالهوي ياني انا منجلتش المحاضرة بتاعت النهاردة

نور : ميرسي يا احمد على التوصيلة الجميلة دي منك

احمد : انتي رايحة
فييييييييييييييييين

المحاضرة

المحاضرة

المحاضرة
يتبع ......

سفير الغرام

11-25-2008, 04:34 PM

حبيبى هههههههههههههههههههه وربنا قصة روعة تسلم اديك
هههههههههههههههههه اية يا بنى دة انتا فعلان فنان
لا وابة شوقتنا اكتر واكتر كمان فين يا محمودى الباقى ههههههههههه
تقبل مرورى

محمود بركات

11-25-2008, 04:59 PM

منور الدنيا يا حبيب قلبى

وانا بقول الموضوع مالوا منور ليه

من عنيا ياباشا اكملك ان شاء الله

انت تامر حبيبى

administrator

11-25-2008, 06:12 PM

ههههههههههههههههههههههههههههه
جامد اوى القصه يا محمود بجد انت فنان فنان
مستنى منك باقى القصه عشان انت شوقتنى اعرف اخرها اية
تسلم يا كبير على مجهودك

ام حماده

11-25-2008, 06:20 PM

هههههههههههههههه جميل قوي قوي ومستنيه باقي الحلقات

جميله اووووووى يامحمود
تسلم ايديك
وفي انتظار المزيد
تقبل مرورى

محمود بركات

11-25-2008, 06:55 PM

ههههههههههههههههههههههههههههه

جامد اوى القصه يا محمود بجد انت فنان فنان
مستنى منك باقى القصه عشان انت شوقتنى اعرف اخرها اية

تسلم يا كبير على مجهودك

الف شكر يا هانى على المرور

وان شاء الله هكملك ياباشا

من عنيا ويارب تكون عجبتك

محمود بركات

11-25-2008, 06:57 PM

هههههههههههههههه جميل قوي قوي ومستنيه باقي الحلقات

جميله اووووووى يامحمود
تسلم ايديك
وفي انتظار المزيد
تقبل مرورى

منور الدنيا ياست الكل والله

ويارب تكون القصة عجبتك

وان شاء الله هكملك باقى القصة

تسلمى يا امى على المرور

محمود بركات

11-26-2008, 08:15 PM

الحلقه الرابع[فقط الأعضاء المسجلين والمفعلين يمكنهم رؤية الوصلات](7).gif

احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض

وبيفتح الباب وووفجأة

هاي..انا جارتك اللي ساكنة قصادك

احمد : طيب وانا اعمل ايه يعني جارتي ولا مش جارتي

تؤ...طيب قول صباح الخير..قول صباح النور..قول صباح اللي بتغني

احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي

انا ؟ ؟

احمد : امال امي

تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك

احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة

ايه ده ..انت بتروح الجامعة...انا بفتكرك في المدرسة

احمد : صبرني يارب صبرني ...جولي عاوزة ايه هتأخر على الجماعة

عندك حبة شطة

احمد : هاا...جلتي عاوزة ايه

شطة شطة....اللي بتخلي الاكل يوحوح

احمد : لا انا مش بحب اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الاجرة بكام لو سمحت يا اخينا

رد شاب ستايل...ههههههههه ايه اخينا دي دي كلمة قديمة موت

احمد : ماشي يا عم الجديد....بكام الاجرة

الكمثري :بجنيه وبريزة يا كابتن

احمد : اشمعنى وبريزة

الكمثري : حكومة تقدر تتكلم

احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش

احمد :هشششششششششش

انت قليل الادب مش محترم كمان

احمد : هسسسسسسسسسس

احمد : انا ورايا محاضرة مش فاضيلك انا خدي منديل

انا هوريك انا لازم ابهدلك

يا عمرو يا وائل يا هيثم

عمرو : مالك بيها يا تحفة

وائل : انت لازم تتربى كويس

هيثم : مش هتروح سليم النهاردة

نور لمحت الخناقة من بعيد

نور : احمد احمد في ايه

احمد : ابعدي انتي يا نور ده تار قديم وهيخلص النهاردة

نور : احمد دي جامعة انت ممكن تتفصل

احمد : ومحضرش محاضرات تاني ؟

نور : ايوة ايوة انا هروح انده الامن

احمد : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله

احمد : متشكر يا نور جوي

نور : ده اقل واجب يعني

احمد : انتي عملتي الواجب صح

نور : واجب ايه يا احمد هو احنا في مدرسة

احمد : ههههههههههه اصلها فاكراني في المدرسة

نور : هي مين دي

احمد : اللي عاوزة الشطة

نور : انا مش فاهمة حاجة يا احمد

احمد : انتي بتحبي توحوحي

نور : هههههههههههههههههههه

احمد : هههههههههههههههههههه

نور: تعرف يا احمد ان دمك خفيف اوي

احمد : ربنا يخليكي انا مش بجدر على الكلام ده

نور : هو انا قلت حاجة يا احمد

احمد : ايوة دمي خفيف وحلو ومسمسم والكلام الكابير ده

نور : ههههههههههههههههههههههه

احمد : بتضحي على ايه عاد

نور : ههههههههههههههههههههههه

احمد : يوه يوه يوه

نور : المحضارة هتبتدي يا احمد يلا نحضر

احمد : ماتيجي نتمشى شوية في الحديقة وبلاش المحاضرة

نور : بجد ...طيب يلا

احمد : ال حديقة ال....يلا يا هانم نلحج المحاضرة انا حاجزلك جنبي

يتبع..

اتحدى العالم

11-26-2008, 08:28 PM

القصة مكرررة انا جبتها قبل كدة برجا اشرف القسم الفكاهى حذف الموضوع

محمود بركات

11-26-2008, 08:34 PM

هههههههههههههههههههههههههههههه

طيب انت زعلان ليه يا حمام

لو متكررة ياريت تحزفها او المشرف يحزفها

بس على فكرة كل اللى قراها قالوا كملها

منور الموضوع يا محمد وشكرا على مرورك

سفير الغرام

11-26-2008, 08:37 PM

يالههههههههههههههههههههههوى اية يا بنى دة انتا عبقرى
بجد تسلم اديك ياغالى تقبل مرورى
مستنين باقى القصة يا محمود

اتحدى العالم

11-26-2008, 08:53 PM

محمود بركات

11-26-2008, 09:13 PM

يالههههههههههههههههههههههوى اية يا بنى دة انتا عبقرى
بجد تسلم اديك ياغالى تقبل مرورى
مستنين باقى القصة يا محمود

منور الدنيا حبيب قلبى من عنيا اكملك احلى قصة فى الدنيا

كفاية عندى مرورك والله

محمود بركات

11-26-2008, 09:15 PM

وهزعل ليه ياعم محمود اولا انا جبتها من كام شهر ومش كملتها وكل الى قروها ناس مسجلة جديدة فاييحزف بتاعتى يايحزف بتاعتك ونكمل فى واحدة بس بدل ما نكرر مواضيع وخلاص وعلى العموم قصة حلوة انا قريتها كلها واعجبت بيها جدا يامان ومنور المنتدى ودائما مبدع
تقبل مرورى اخوك
محمد

حبيب قلبى يامحمد والله انت كفاية منور الموضوع

شوف مشرف القسم يحزف واحدة من الاتنين ونكمل فى واحدة بس

وياريت نقراها بقلمك ياكبير

حبيب قلبى يا محمد والله

محمود بركات

11-26-2008, 11:03 PM

[فقط الأعضاء المسجلين والمفعلين يمكنهم رؤية الوصلات](7).gifالحلقه الخامسه[فقط الأعضاء المسجلين والمفعلين يمكنهم رؤية الوصلات](7).gif

احمد دخل لقى اتنين اعدين مكانه هو ونور

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في خناقة ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا

نور : سوري يا احمد مكنش قصدي بجد

احمد : اخرجي انتي برا وايه الجلم الرصاص اللي بتضربي بيه ده

نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا وااالية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه

احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت

هههههههههههههههههههههههههههههههههه

الحلقه السادسه

وبعد ما
نور كلمت احمد في التليفون...وكانت زعلانة جدا لما سمعت صوت جارته...واحمد
مكنش داري بالدنيا ساعتها ...من ساعتها احمد ابتدى يروح الكلية وكان
متخاصم مع نور بعد كلمتها الجارحة ليه...انه مش استايل وشعره دايما
منعكش....ابتدا ينتظم شوية في الدراسة لحد ما جت الامتحانات وده كان اخر
يوم في الامتحانات

احمد بيكلم واحد صاحبه عن الامتحان

احمد : امتحان ممتاااااااز سهل ميا

صاحبه : حرام عليك..ده انا مكتبتش حرف

احمد : ليه جلمك اتجصف ولا ايه

صاحبه : لأ يابني الامتحان مليان

احمد : بوي ..مليان ايه انت هتجنني

صاحبه : في ايه دلوقتي

احمد : انت طلعت اول مسألة كام

صاحبه: محلتهاش

احمد : والتانية

صاحبه : 100

احمد : حمار

احمد : طب والتالتة

صاحبه : 2000

احمد : حمار

صاحبه : يوووه

احمد : طب والرابعة

صاحبه : محلتهاش

احمد : يا حمار هما تلاتة بس

صاحبه : انت اعد ولا هتسافر البلد

احمد : لأ هسافر انا مش ليا حد هنا

ولسة بيدور وشه....قرب عليه الملاك نور...وبصوت رقيق

نور : يارب تكون حليت كويس

احمد : ايوة الامتحان كان ممتاز

نور : لسة زعلان مني

احمد : وهزعل منك ليه...احنا بيننا ايه

نور : مفيش عادي بسألك ..انت ليه دايما عصبي

احمد : على فكرة انا لو مجبتش امتياز هيكون بسببك

نور : ليه بس...انا السبب

احمد : فاكرة الكام محاضرة اللي اتطردت فيهم بسببك

نور : هههههههههههههههههههههه

احمد : هههههههههههههههههههههههههههه

نور : وحياة اغلى ما عندك مش تزعل مني

احمد : طمنيني عملتي ايه في الامتحان

نور : بليز يا احمد متزعلش مني اسفة بجد

احمد :وحشتيني

نور : انا ؟

احمد: وحشتيني يا امي

نور : هههههههههههههههههههههههه

احمد :مالك اتخضيتي لما قلت وحشتيني

نور : وانا هتخض ليه

احمد : اسألي نفسك

نور : هه ظريف

احمد : امسكي نفسك شوية يا بت

نور : هههه خفيف

احمد : مش ملاحظة حاجة عليا

نور: لأ بس شايفاك مبسوط عن قبل كده الحمد لله

احمد : لأ لأ حاجة في شكلي

نور : الراجل مش بشكله

احمد : اااااااه والله....بعد ايه ...مش كان شعري متنعكش ومش بيتسرح

نور : انا مكنتش اقصد ...كنت بهزر معاك

احمد : اااااااااااااه بعد ايه بقى بعد ما جبت علبة كريم بامبرز ب 25 جنيه

نور : ههههههههههههههههههههههههه اسمه بالمرز

احمد : ايوة امسكي في التفاهات دي...يعني شعري وحش

نور : جميل

احمد : بجد

نور : جميل راتب ده ممثل ممتاز

احمد : ااه يا رخمة

نور : هههههههههههههههههههههههههه

احمد : انا هسافر اسبوعين وجاي تاني

نور : ليه كده خليك هنا

احمد : هستنى ليه

نور : نروح شرم الشيخ مع الجامعة

احمد : رحتها كتير كفر الشيخ

نور : شرم شرم

احمد : بتاعت البنات البلبوسة

نور : عيببببب

احمد : في ايه هو انا اللي بلبستهم

نور : خلاص بقى رد عليا عشان نروح ..اتصل بيا

احمد : ان شاء الله

نور : اوكي اشوفك على خير

احمد : كنت عايز اقولك حاجة مهمة اوووي من زمان

نور: ايه هي يا احمد قول قول

احمد : مش مسامحك على المحاضرتين اللي محضرتهمش بسببك

نور : مع السلامة يا احمد

احمد : سلام يا نور

وهو مروح بقى......عليا الطلاج لهرووووح الرحلة

ام حماده

11-28-2008, 10:31 AM

رررررررررررررروعه يامحمود شكرااااا لك

محمود بركات

11-28-2008, 10:37 AM

منورا الدنيا ياست الكل

علشان خاطرك ياست الكل

اكمل احلى يوميات لاحلى صعيدى

محمود بركات

11-28-2008, 10:58 AM

[فقط الأعضاء المسجلين والمفعلين يمكنهم رؤية الوصلات](7).gifالحلقه السابعه[فقط الأعضاء المسجلين والمفعلين يمكنهم رؤية الوصلات](7).gif

نور : هو احمد اتأخر كده ليه

ريم : انتي مالك مش على بعضك ليه

نور : وانتي مالك

ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا..انا لسة مش عاوزة ارتبط دلوقتي

ولسة الاتوبيس هيتحرك كان احمد وصل ونور تنفست الصعداء

احمد : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

احمد : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا احمد

احمد :اي خدمة يا نور ابقي تعالي كل يوم

نور : اجي فين

احمد : لا لا متاخديش في بالك

والكل ركب الاتوبيس وفجأة احمد بيطلع من شنطته طبلة كبيرة
وشغال ضرب عليها لحد ما وجع دماغ الناس كلها والكل زهق منه

احمد : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا احمد بس الطبلة صوتها عالي اووووي

احمد : مانا عارف ان صوتها عالي...مكنتش اعرف انها هتضايقكوا كده

نور : عامة انا مش مضايقة انا مبسوطة بيها

وفجأة احمد بيطلع من شنطته زمارة كبيرة بتاعة الفرق الشعبية
وفضل يوجع دماغ الشباب كلهم بأصوات الالات الموسيقية الغبية دي
وفضل على هذا الحال لحد ما وصلوا

احمد : يا بووووي يا جدعان المنطجة هنا جامدة جوي جوي

نور : انت اول مرة تيجي هنا

احمد : لأ جيت قبل كده ايام الحرب

نور : حرب ايه يا احمد ..هو انت حضرت حروب

احمد : هو احنا هنروح امتى يا نور

نور : يعني لسة اسبوع...انت زهقت ولا ايه

احمد : لا لا خالص بس انا مجبتش اكل كفاية

نور : احمد اكل ايه بس هنا الاكل اوبين بوفيه

احمد : يعني ايه

نور : يعني تاكل اللي انت عايزه

احمد : يالهوي ياني يا جدعااااان

نور : انا هطلع اغير بقى

احمد : اوعي تجولي هتلبسي لبس البحر

نور : هههههههههههههههههه ايه يا احمد ده بس

احمد : صدجيني معرفكيش تاني

نور : انت هتنزل البسين بأيه ...معاك ماييوه

احمد : لأ انا ابويا جايبلي ترننج من السعودية هنزل بيه

نور : مينفعش يا احمد

احمد : بجولك من السعودية ..جامد جدا جدا

نور :طيب يلا نفطر بقى عشان جعانة

احمد : انتي على طول جعانة كده

نور : ههههههههههههههههه انا بحب الاكل اوي

احمد : انا اخر حاجة افكر فيها الاكل

نور : يعني مش هتفطر

احمد : في مش وخيار وعيش بلدي

نور كانت عاوزة تقوله ده عند ماما الكلام ده

احمد : كل ده اكل يا نااااااااااس ...هيخلص امتى ده بس

نور : كل على اد ما تقدر يا احمد

احمد : عليا الطلاج انا هاكل وكل لحد ما افرجع كده

نور :انا طالعة اغير ونازلة

احمد : تغيري ايه بس يا شيخة بصي على نفسك في المراية وشوفي الولية الجااامدة دي

يابووووووووووووووي انا لازم اروح اتعرف عليها دي لابسة كلسوووون جاامد جوي جوي

ام حماده

11-28-2008, 11:22 AM

[فقط الأعضاء المسجلين والمفعلين يمكنهم رؤية الوصلات]

محمود بركات

11-28-2008, 11:24 AM

والله ياست الكل

المميز انك تمرى على موضوعى

وعلشان خاطرك يا امى اجبلك حالا جزء كمان

منورا الدنيا ياست الكل

administrator

11-28-2008, 11:25 AM

يوميات جامده اوى يا حوده
شوقتنا نعرف باقى القصه

محمود بركات

11-28-2008, 11:26 AM

الحلقة الثامنة
[فقط الأعضاء المسجلين والمفعلين يمكنهم رؤية الوصلات]

أحمد شاف
الوليه ام كلسون اتجنن عليها راح رايح وراها واختفى من قدام نور في ثوانى
أحمد: ايه يا وليه الكلسون الدامد ده وايه الشياكه دى كلها
الوليه:ايه الاشكال البيئة دى
أحمد: بيجة ؟ طب والله انتى اللى بيجة ومعفنة كمان وريحتك منتنه وشكلك من اللى بيستحموا من العيد للعيد
الوليه: تصدق بقى لو مسكتش انا هندهلك اللى يعرفك شغلك كويس
أحمد: ههههههه هتندهى مين يعنى بالكلسون اللى انتى لابساه ده
الوليه: لا دا انت قليل الادب ومش متربى وعايز اللى يربيك ..
وبعدين ايه كلسون دى وفين هو اصلا؟

أحمد:اه جولى كده بقى ان انتى من الاول عايزة تعرفى معناها وعماله تتوهى فى مواضيييييع تانيه اه يا لجيمه
الوليه:يا تااااااااامر ياأدهاااااااااااااااام
أحمد: يطلعوا مين ان شاء الله سى تامر وسى ادهم دوووول ولادك العفاريت الصغنانين ولا الكلاب البلوكسر بتوعك
الولية: بلوكسرههههههههههههههههههههههه

أحمد: بتضحكى على ايه يا وليه دلوجيت
الولية: ( ولية )انا هعرفك دلوقتى على قلة ادبك والسفاله اللى انت فيها دى
أحمد: طب والله انتى بوج على الفاضى

.. بسم الله ماشاء الله على تامر وادهم وهما رايحين لمامتهم كل واحد فيهم عامل زى السوبر جيت ..
تامروادهم: ايوااااااا يا ماما كنتى بتندهى علينا
الولية: ايوه ياحبايبى الكلب ده كان عمال يقل ادبو معايا وقال عليكوا انكوا عفاريت صوغنانين وكلاب بلوكسر
تامروادهم: انت قولت كده علينايااااااااااااه

أحمد: عليا الطلاج ما حصل الكلام ده يا عم البلدوزر انت وهو كل اللى حصل انى كنت بجولها الساعة كام يا هانم

مامة تامر وادهم بتوجه الكلام لأحمد بس بحنيه زى ما انتوا عارفين

الولية: هانم اه يا كداب دى عمرها ما طلعت من بؤك خالص ليا يا عديم النظر وكمان يا حبايبى كل شوية يقولى يا ولية
تامروادهم: احنا ماما يتقالها يا ولية دا انت هتموت النهارده
أحمد: يا رداله استنوا بس كده
واهدوا طب انا هجول ايه اللى حصل

تامروادهم: واحنا هنستناك لما تحكيلنا ايه اللى حصل يا عم الكتكوت وبعدين ايه برطمان الكاتشب اللى انت واقع فى ده حد يلبس بنطلون احمر

أحمد: لو سمحت يا أخ متقولش كتكوت دى وبعدين انت عندك عمى الوان ولاايه

تامروادهم: انت كمان بترد على اخويا دا احنا هنعملك شمسية

أحمد :يااااااه عليكوا هو الواحد ميعرفش يهزر معاكوا كده اااابدآآآآ

نور:أحماااااااااااااااااد
أحمد: ايوم يا نور انا هنا واقف مع ناس صحابى

تامروادهم: صاحبك مين دول ياااااه دااحنا هنفرمك دلوقتى

أحمد: لأوالنبى يا كابتن اصلها الموزة بتاعتى ومش عايزها تشوفنى وانا بتفرم

نور: ايه يااحمد انت اختفيت مرة واحدة كده ليه وجريت ورا الست اللى كنت بتقول عليها وليههههههههه
وعملت ايه معاها بقى يا سيدى فى الاخر ...
بس انا زعلانه علشان تسيبنى وتقوم تجرى وراها كده
أحمد: طب بجولك ايه دلوجتى اجرى انزلى البحر شوية وانا هحصلك

نور: لأ انت بجد عملت معاها ايه ومش تعرفنا على صحابك .
انما انت مقولتليش انك ليك صحاب هنا

أحمد : ما اصل انا لسه متعرف عليهم دلوجتى

...
ام تامروادهم كانت بتجيب حاجه ورجعت لهم تانى

نور : الحق يا احمد الست ام كلسون اللى كنت بتقول عليهها جايه هناك اهيه

أحمد: يا بت اجفلى خشمك ده بدل ما اقطعلك لسانك

[فقط الأعضاء المسجلين والمفعلين يمكنهم رؤية الوصلات]

ونشوف الحلقه الجايه احمد هيخرج من المأزق
دا ازاى

محمود بركات

11-28-2008, 11:28 AM

يوميات جامده اوى يا حوده
شوقتنا نعرف باقى القصه

منور ياحبيب الملاين

انت تامر يابرنس انا انزلها كلها مرة واحدة علشانك ياكبير

محمود بركات

11-28-2008, 12:26 PM

[فقط الأعضاء المسجلين والمفعلين يمكنهم رؤية الوصلات]

الحلقه التاسعه[فقط الأعضاء المسجلين والمفعلين يمكنهم رؤية الوصلات]

بعد ما مامه تامر وادهم جتلهم

الولية: ها يا حبايبى عملتوا ايه مع الكلب ده

نور: كلب ... انتى قصدك على مين يا هانم

الولية: قصدى على السافل قليل الادب اللى واقف جنبك ده

أحمد: لالالا انتى كده عديتى حدودك يا جمورة وانا مش هجدر امسك نفسى بعد كده

تامروادهم: انت بتكلم مين كده ياااااااااه

أحمد: بكلم صاحبتى يا عم الحد انت وهو

تامروادهم:ااااااه افتكرنا حاجه تانيه

أحمد جه جنب تامروادهم بصوت واطى والنبى يا كابتن انت وهو متخلوش شكلى وحش جدام الموزة بتاعتى

تامروادهم: هههههههههههههه وانت عندك موزة يا بأف

أحمد: لالالا انتوا زودتوها على الاخر انت واخوك يا عم الجمور

تامروادهم: نعم يا كوتوموتو

أحمد: بص برده تانى بتربط الهزار بالجد ياددع انا بمزح معاااااك

تامروادهم: ما علينا انجز وودع الموزة بتاعتك علشان انت هتموت دلوقتى

أحمد: لأ والنبى يا كابتن بلااااااش وانا لابس الترننجاللى ابويا الحد جايبهولى من السعودية

تامروادهم: ااااااانجز ..... طب لما انت مش اد المعاكسه والكلام ده بتعاكس ليييييييه

نور: أحمد انا مش فاهمه حاجه !!!

أحمد : استنى يا نور ... معندناش حريم تفتح خشمه ا والرداله بيتكلموا

نور: يا أحمد دول بيقولوا هيضربوك وكلام غريب كده

أحمد : يا سيتى دول بيهزرووووا معايا

تامروادهم: لأ مبنهزرش .....

الوليه: علشان لازم قلالات الادب اللى زيك يتربوا كويس ويعرفوا شغلهم

أحمد بيقرب من أم تامروادهم وبيقولها

معلش يا هانم ..متزعليش يا جمر انتى وبعدين انتى احلويتى عن جول مرة شوفتك فيها كده ليه

الوليه: خلاص يا ولاد سماح المرة دى طلع مؤدب

وبتروح مقربه من احمد وموشوشاه فى ودنه

الوليه: هستناك بكره على البيتش الساعة 10 الصبح اوعا متجيش

احمد: قشطه يا موزة من 8 الصبح هكون متلجح على البيشت

الوليه: يلا يا اولاااااااد

أحمد : سلام يا رداله بس اوعوا تنسوا

نور : احمد انا مش فاهمه حاجه خالص وبعدين تعالا هنا كانت بتقولك ايه الست دى

أحمد: لالالا يا نور مفيش حاده

نور: خلاص اوك يا احمد براحتك .... شكرآ

أحمد : وه وه وه ... الجمر بتاعى انا يزعلى منى ازااااى بس

نور : ابعد بقى بعيد عنى انا زعلانه منك

أحمد : طب والله ارمى نفسى فى البحر واغرق نفسى كمان علشان ترتاحى

نور : لأ لأ يا احمد اوعا تعمل كده

أحمد : كنت عارف يا جمر انك هتجولى كده وهتخافى عليا كماااان

نور: أنااااااا ؟

أحمد : لأ الولييييه ههههههههههههههه

نور: ماشى ماشى براحتك

انا جعااااااان جوى جوى

وهما رايحين البوفيه اللى على البلاج احمد قابل واحد صاحبه من الرحله معاهم

وكان متابع الحوار من الاول بتاع الوليه ام مايوه لحد الاخر

صاحبه : ايه يا رمبببو عملت ايه مع الكباتن اللى كانوا عاملين زى البلدوزر اللى كانوا عايزين يفرمووك ههههههههههه

أحمد :ازيك ياض عامل ايه وفينك كده

صاحبه : انت اطرش ولا ايه يا عم بقولك عملت ايه مع الاشباح اللى كانت عايزة تاكلك دى

أحمد: لالالا ياعم انا بطلت افلام رعب من زماااااااان ياعم الحد

صاحبه: ااااااه هى نور متعرفش اللى انت عملته واللى كان هيحصلك ولا ايه

نور بتبص لأحمد بصه استغراب

أحمد: طب تعالى يا نور نجيب حاده ونيجى على طوووول

نور: احمد لو سمحت فهمنى ايه اللى حصل انت مبتخبيش عليا حاجه

احمد فى سره

الله يخرب بيتك دا انا مصدقت انها نسيت الموضوع

أحمد: يا سيتى كل اللى حصل ان انا بعد لما عاكست الوليه راحت مناديالى ولادها الاتنين اللى عاملين زى
الباب اللى كانوا واقفين دول

نور: وبعدين....

أحمد: بس يا سيتى كانوا عايزين يعرفوا انا عملت كده ليه زى ما انتى شوفتى كده

بس انا جولتلهم اللى هيجرب منى عليا الطلاج لأتصل بابويا الحد هريدى فى البلد واخليه
يجى يجتلكم

نور: يا احمد دا انت عقباال ما ابوك الحج يكون وصل عندنا هنا هيكونوا عملوك زى الكوتش

أحمد : (( كوتش )) ... شكرا يا ست نور انا غلطان انى حكيتلك

نور: يا أحمد يا أحمد تعالا بس اقولك انا كنت بهزر معاك والله ... انت قماص اوووى

أحمد : لا انا جعان هروح اكل وانام علشان ورايا بكره راوندفو

تانى يوم الساعه جت 7

أحمد: وه وه وه ... يابوووووى الوليه كده هتروح ومش هتلاجينى على البيشت

أحمد كان على البيتش الساعه 8 بالظبط زى ماقالها

وفجأة تيجى الساعه 9,30 واحمد يلاقى مين اللى جاااااايله
على البحر وهو قاااااعد ................

[فقط الأعضاء المسجلين والمفعلين يمكنهم رؤية الوصلات]

((( توقعوا انتوا )))

ام حماده

11-28-2008, 04:24 PM

[فقط الأعضاء المسجلين والمفعلين يمكنهم رؤية الوصلات]

محمود بركات

11-28-2008, 04:41 PM

منورا الدنيا ياست الكل

والله لولاكى كان الموضوع بقى فى سلة المحزوفات

تسلم ايدك يا امى انتظرى الباقى

ام حماده

11-28-2008, 05:50 PM

[فقط الأعضاء المسجلين والمفعلين يمكنهم رؤية الوصلات]نسخ.jpg

محمود بركات

11-28-2008, 06:02 PM

[فقط الأعضاء المسجلين والمفعلين يمكنهم رؤية الوصلات](7).gifالحلقه العاشره[فقط الأعضاء المسجلين والمفعلين يمكنهم رؤية الوصلات](7).gif

أحمد وهو قاعد على البلاج مستنى ام ادهم وتامر

ميييييييين اللى طب عليييييييه ..........

الوليه: ايه يا ميدو إتأخرت عليك

أحمد : لالا خالص وحتى لو إتجخرت يا جمر

الوليه : لا دا أنت شكلك شقى خالص

أحمد: لا دانا اعجبك جوى جوى

الوليه: طيب هنشوف كل حاجه

وهما قاعدين ميين اللى طب عليهم .............

الجميله نور

ايه انتوا افتكرتوا مين مش كفايه كان هيتاكل علقه امبارح

من غير نفس بقى ونور بتتكلم

نور: ازيك يا احمد انت هنا من بدرى ولا ايه ؟

أحمد : اه قولت اشم هوا ناضيف على الصبح كده

نور: طب تعالا معايا يا احمد لو سمحت انا عايزاك

أحمد : حاضر يا نور 5 دجايج وهكون عندك بس اسبجينى انتى

نور : لأ يا احمد لو سمحت انا عايزاك دلوقتى ممكن

أحمد علشان خاطر ميزعلش نور وعلشان هو ميقدرش على زعلها

راح قايم وراحلها على طول

نور: ايه يا احمد اللى بينك وبين الست دى ممكن اعرف ؟

أحمد : مفيش حاجه يا نور صدجينى

نور : انت يا احمد متعودش تكدب عليا كده

أحمد : وانا والله يا نور معرفش الوليه ام كلسون دى عايزة منى ايه

نور بصراحه انا فى حاجه عايز اجولهالك من زمان وكاتمها فى جلبى

من زمان جوى جوى انا يا نور .............

الوليه: ايه واقفين بتقولوا ايه يا أمامييييييير .. تعالا يا ميدو انا عاوزاك فى حاجه

وراحه شدااااااه من ايده

نور : ميدو !!!!!!!!!!!

نور : يا احمد تعالا انا عاوزاك

واحمد واقف مش عارف يعمل ايه وراحه شداااه تانى وخادتو ومشيواااااا بعيد عن نور وهو مش عارف يعمل ايه...

المهم نور كانت هتتجن ومش عارفه تعمل ايه

وبعد ما رجع احمد

احمد : يا ساتر يا رب على الوليه دى اعوذ بالله

نور : ايه يا احمد كنت فين انا كنت قلقانه عليك قوى وزعلت منك اوى برده علشان مشيت وسبتنى مع الست دى

أحمد : دى وليه مجنونه

نور: ليه كانت عاوزة ايه

احمد: كانت بتطلب حاجات غريبه كده وكل شويه تجولى انت صعيدى اى كلام ولا صعيدى جامد .. والحمد لله ان ربنا نجانى منها

نور: لا والنبى وبعدين ؟؟؟؟!!!!!!!

أحمد : مكونتش اعرف انها كده انا كنت فاكرها عايزة خدمه منى اجدمهلها ولا حاجه طلعت غير كده خالص

نور: طب على العموم يا احمد انا مش عايزاك تقف معاها تانى ولا تروح معاها تانى

أحمد: طلباتك جوامر يا جمر انت والنبى انت جمر واللى يجول غير كده يبجا دموسة وابن دموسه

نور: ههههههههههههههههه

نور: ياااه يا احمد خلاص فاضل 3 ايام والرحله تخلص ونرجع للترم التانى

أحمد : بس انا عايز اجضى ال3 جيام دول وانا معاك يا جمر وعايز اعوضك عن كل اللى فااااااات

نور: بمناسبه ايه يا احمد بتقول الكلام ده وبعدين انت مين سمحلك تقولى كده وبناء على ايه بتقوله اساسا

أحمد وشه اتقلب وجاااااب 100 لون وقبل ما يرد عليها.......

نور : هههههههههههههههههههه

نور: ايه مالك انت عملت كده ليه وانا كنت بهزر معاك على فكرة

ههههههههههه

أحمد : اووووووف وه يابووووووى خضتينى يا شيخه انا قولت ايه اللى حصل .انا عمرى ما حد حرجنى كده خالص

نور: لالا متخافش كنت بهزر هههههههههه

أحمد : يااااااااه على هزارك اللى عامل زى هزار الراجل بتاع جلد الخرفان اللى بيعدى علينا كل عيد فى البلد

نور: جلد الخرفااااان

ههههههههههههههه

أحمد : يا بت بهزر معاكى دا انتى دمك زى السكر

أحمد : المهم بس دلوجتى انا لازم اتصل بأبويا الحج فى البلد واطنمه عليا
يا نور احسن يكوووون جلجان عليا ولا حاجه وبعدين هو جالى قبل ما تنزل
الترعه (( البسين )) اللى انت رايحها ابقا كلمنى وانا نسيت خالص

نور : ترعه هههههه المهم يا احمد

خد موبيلى وكلمه

أحمد : لا يا نور اصل المكالمه ممكن تكون غاليه شويه

نور: يا احمد ولا يهمك الرصيد كله تحت امرك

أحمد : لا يا نور دا كتير والله ربنا يخليكى ليا يارب بس معلش ولو فيها رخامه انتى معاكى اد ايه رصيد ؟ ههههههههههه

بهزر معاكى طبعا

نور: خد بقى وبطل رخامه وكلم الحج هريدى وسلملى عيه جوى جوى جوى ههههههههه

احمد : ههههههه ماشى يا سيتى بس بشرط هبقا اديكى دقيقه تتكلمى من عندى لما اجيب موبيل

نور: ااااه صح يا احمد انت لازم تجيب موبيل علشان ابقا اتصل بيك عليه بدل ما جارتك الجميله اللى بترد عليا كل مرة دى

احمد : ههههههههه لالا ما انا جولت لابويا الحج هريدى وقريب هيبعتلى الموبيل اللى بيجولوا عليه ده الموتوريله سن الفيل

نور: ههههههههههههههه

أحمد : ايه مش عاجبك ولا ايه يا بت انتى

نور : لالالا تمام

أحمد : طب هاتى الموبيل ولا انتى بتهربى من الدجيجه ولا ايه

نور: ههههه ايه اللى انت بتقوله ده امسك وسلملى عليه اوى يا احمد

ام حماده

11-29-2008, 02:59 AM

ياحوده طبعا مش هقول ان الموضوع رائع لانى مش محتاجة اقول الموضوع اكتر من رائع بكتيييييييييييييييييييييييييييييييير

وانا دخلت وقراْت كل الحلقات

بجد شكرا اوى ليك والموضوع لازم يتثبت بجد شكرا مرة تانية

محمود بركات

11-29-2008, 09:38 AM

انا الىى بشكرك كتير يا ست الكل

بجد والله مرورك على كل مواضيعى هوا الاجمل بكتر

وان شاء الله اكمل باقى القصة علشانك ياست الكل

محمود بركات

11-29-2008, 10:00 AM

[فقط الأعضاء المسجلين والمفعلين يمكنهم رؤية الوصلات](7).gifالحلقه الحادية عشر[فقط الأعضاء المسجلين والمفعلين يمكنهم رؤية الوصلات](7).gif

مكالمه احمد وابوه الحج هريدى

أحمد : ازيك يابا وازى امى واخواتى والبلد كلتها

وبعدين بينه وبين نفسه (( اللهى تولعوا كلوكوا ))

الحدهريدى: ازيك يا ولدى عامل ايه وايه اخبارك مش ناوى ترجع ولا ايه يا ولدى دى البلد كلتها مستنظراااااك

أحمد: اه طبعا يابا ناوى دى البلد وحشانى جوى جوى جوى

وبعدين بينه وبين نفسه (( اللهى ارجع الاجيها مولعه باللى فيها ))

الحدهريدى : والعمده يااحمد بيسلم عليك وعايز يكلمك علشان عايز ينزل مصر
وعايز يشوفك علشان تروحوا مع بعض تزورو الأوليه وبالمرة يشتريلوا بهيمتين
بدل اللى ماتوا

أحمد : ماتوا من ايه يابا هو انت لسه شغال فى الزريبه عنده ولا ايه يابا

الحدهريدى: ومالها يا ولدى شغلانه الزريبه دا انا دلوجتى اترجيت وبجيت مشرف على البهايم كلتها

أحمد : طب الحمد لله يابا

الحدهريدى: طب خد يا ولدى امك عايزة تكلمك

أحمد : يابا والنبى بسرعه علشان انا بتكلم من المحمول ومش بتاعى يابااااا

وبعدين بينه وبين نفسه (( يالهوووى يابا عليك وعلى سنينك السوده ))

أم أحمد : ازيك يا ولدى عامل ايه

أحمد : ازيك يامااااا عامله ايه

أم أحمد : ليك عندى يا ولدى خبر حلو جوى جوى هيعجبك

أحمد : جولى ياما جولى ما ما انا عارف اخبارك

وبعدين بينه وبين نفسه (( اخبارك السوده دى))

أم أحمد : جايبالك عروسه انما ايه زى الجمر يا ولدى

أحمد : عروسه !!!! مين دى ياما ؟؟؟

أمه : نفيسه بنت عمك ابو همام

أحمد : نفيسه !!!!! اللى كانت بتجرى ورا عربيه الرش بتاعه النموس واللى كانت بتزل الترعه

ياما دى كانت ........ ياما دى جربانه ياما

أمه : دى دلوجتى بجت عروسه وإحلوت يا ولدى

أحمد : ربنا يسهل يامااا .. بس انا دلوجتى مبفكرش غير فى دراستى

أحمد : خلاص خلاص ياما سلام دلوجتى علشان الرصيد اللى فى المحمول ميخلصش

أمه : ايه ده يا ولدى انت جيبت محلول

أحمد : وبعدين بينه وبين نفسه (( سلام بجا ياما دا انتى رغايه جوى وراح قافل فى وشها ))

نور: ايه يا احمد سلمتلى على الحج هريدى

أحمد : اه طبعا طبعا يا نور

أحمد: ياااااه يا نور لو شفتى بلدنااااااا حته من شرم كده

نور : نفسى اروح معاك يا احمد مرة واشوفها واشوف الحج هريدى ومامتك وكل اخواتك

أحمد : بينه وبين نفسه ((متشوفيش وحش))

أحمد : اااه يا نور نفسى تشوفى ابويا العمده وهو قاعد فى الزريبه أخ قصدى وهو بيبص على الناس اللى شغاله فى الزريبه

أحمد : وأد ايه يا نور ابويا مهتم بنظافه الزريبه أخ قصدى البلد كلتها

نور: هو بباك عمده طب احكيلى عن اخواتك يا احمد

أحمد : عندى يا ستى أخين وأخت

نور: واسمهم ايه يا احمد

أحمد : عواد وعبعال والبنت اسمها صابحه

نور: وسنهم اد ايه؟؟

أحمد : عواد ده حرامى أد الدنيا

نور: حرااااامى !!!!!!!!!!

أحمد : لأ يا شيخه بهزر معاكى

دا عواد عنده خمستااااشر سنه ولسه فى ابتدائى اصل بيحب الدراسه جوى تصورى !!!

نور : وعبعال ؟؟؟؟

أحمد : عبعااااااال يا عينى على عبعال ... عبعال ده تديله من فوق اكل يديكى من تحت حاجات تانيه

نور: هههههههههههههههههههههههههه

أحمد : لا دا عبعال فظيع تصورى عبعال فى مرة كنا بنتعشا فا أمى كانت
عاملالنا بيض ومش وكان فى المش دود وكان عبعال بجاله يومين مكالش لحمه راح
واكل الدود وساااب المش !!

نور: يوميين مكاالش لحمه !!!! ههههههههههههههههه

أحمد : لأ وايه وبعد ما أكل الدود والبيض دخل الحمام

فضلت يا نور البلد كلتها 7 أيام تعانى من سد فظييييع فى المجارى

نور: هههههههههههههههههههههههه يع يع

أحمد : مقولكيش بجا على صابحه

نور: لألأ كفااااااايه لحد كده

أحمد : لا كله إلا صابحه .. صابحه وهى صابحه.....

وفجأة واحمد بيتكلم مع نور راح طابب عليه واحد بلدياته من البلد واحمد بقى مرعوب ليشوفوا ويجى يسلم عليه ويفضحه قدام نور

وفعلا ده اللى حصل وبلدياته شافه وراح رايحله علطوووووووووووول

أحمد وشه جااااااب 100 لووووون وخااااااف ليتفضح قدام نور وتعرف ان ابوه ولا عمده ولا حاجه

ورااااااااح دااااخل بلديتناااااا على احمد ..........

محمود بركات

11-29-2008, 10:03 AM

[فقط الأعضاء المسجلين والمفعلين يمكنهم رؤية الوصلات](7).gifالحلقه الثانيه عشر[فقط الأعضاء المسجلين والمفعلين يمكنهم رؤية الوصلات](7).gif

ودخل بلديتنا على احمد

صميده : أحمد بلدياتى حبيبى ازيك يا صاحبى عامل ايه

أحمد : ازيك انت ياعواد
بينه وبين نفسه (( الله يخرب بيتك ايه اللى جابك دلوجتى يا صميده يا غلس )).؟

صميده : ( عواد ) مين انت مش فاكرنى ولا ايه يا احمد

أحمد :لالا طبعا ازاى يا حمدان فاكرك وانا اقدر انساك

صميده : حمدان مين يا احمدانا صميده ابن عمك الحج شعبان بتاع البليله

أحمد : ااااااه يا جدع وانا اقدرانساك برده ايه اللى انت بتجوله ده وايه اللى جايبك هنا يا حمار قصدى ياصميده

بينه وبين نفسه (( تيجو من بلدكوا وتقرفونا هنا )).؟

صميده :طب والله يا احمد انت كنت واحشنى جوى جوى

فاكر يا احمد ايام زمان اما كنا .......؟

وراح احمد قاطع كلامه

أحمد : اااه طبعا طبعا فاكر يا صميده وانا اقدر انسى

بينه وبين نفسه (( اه يا ابن الدزمه هتفضحنى جدام نور ))..؟

صميده : فاكر اما كنا بنروح نلعب مع البهايم فى ظريبه العمده اللى كان شغال فيها ابوك الحج هريدى

أحمد : هههههههههههههههههه دا انت بجى دمك شرباتوزى السكر يا صمصم

صميده : ولا فاكر اما كنا بنروح الترعه اللى كنا كل يوم نروح ناخوض بلنصات فيها

أحمد : هههههههههههههههه يخرب بيت شيطانك ياجدع

بينه وبين نفسه (( عليا الطلاج شويه وهولع فيك يا ابن الدزمه )) ..؟

صميده : ياااااااه كانت ايام

أحمد: ااااااااه (( الله لا يرجعها ))..؟

نور طبعا قاعده بتحاول تفهم اى حاجه بس مش قادرة واقعه من الضحك وفى نفس الوقت مستغربه

صميده : انما مجولتليش يا احمد انت هنا بتعمل ايه

أحمد : بشم هوااااا اصل الجو حر جوى جوى هناك فى مصر

صميده : طبما انت فى مصر برده يا احمد ولا انت حد ضحك عليك وفهمك انك مسافر بلاد بره

أحمد : يااااااه عليك يا صميده مش بقولك دمك بجى زى السكر .. قصدى على القاهرة يا خاااااافيف

صميده : اييييييييه ده وبجيت قاعد فى القاهرة كمان؟

أحمد : وفيها ايه يعنى ياخويا ولا هما كاتبين عليها ممنوع دخول الحيوانات

نور : ههههههههههههههههههههههههههههههه

صميده : لا لا ياابن عمى مجصودشي طبعا

أحمد : لا يا سيدى ولا تجصد

بينه وبين نفسه ((ايوه كده ادب معاه خناجه علشان يغووور ابن الدزمه ده )).؟

صميده : انت زعلت ولا ايه

أحمد : لا يا سيدى وهزعل من حمار زيك ليه قصدى وهزعل منك ليه

صميده : طب حجك عليا

أحمد : انما مجولتليش يا سى صميده انت هنابتعمل ايه ؟

صميده : انا يا ابن عمى شغاااااااااال فى مطعم فى فندق اسمه تروبيكالا

نور : هههههههههههههههههههههههه اسمه تروبيكانا

أحمد :وكمان مش عارف اسم الفندق اللى انت شغال فيه كتك نيله عليك

صميده : ولا يهمك يا جمر . اللى انتى تجوليه هو الصح

وبعدين مش تعرفنا يا احمد على المزمازيل اللى معاك

أحمد: لا يا سيدى مش هعرفك وبعدين انت مالك

صميده: كده ياابن عمى ماشى ولا يهمك عادى انما انت مجولتليش عبد العال اخوك عامل ايه مع البلد

وعمل ايه فى الازمه اللى كان بيسببها للبلد كلها كل ما يدخل الحمام اصل بجالى كتير منزلتش
البلد

نور:هههههههههههههههههههههههههههههه

أحمد: يالهوووووووى على تجل دمك ياصميده

انت ياض جايب الغلاسه دى منين ؟

أحمد : اييووووه صميده اهو ..اللحج يا صميده اظاهر كده فى حد بينده عليك هناك وبيجول المدير عايزك

صميده:يالهووى المدير عايزنى يجى فى مصيبه حصلت
هجيلكوا تانى

نور :ههههههههههههههه مقولتليش مين ده يا احمد

أحمد : ده ؟ داااا صميده ابوالغلاسه والرخامه والرزاله كلهاااااااااا

نور: هههههههههههه لا ما هو باين عليه

وبعدين هو الكلام اللى بيقوله ده حقيقى

أحمد : يا سيتى متحوطيش فى بالك بجولك دا صميييييييده

أحمد : الله يخرب بيته مخلناش نعرف نتكلم معبعض

نور: لا عادى يا احمد ولا يهمك بس انا زعلانه ان خلاص قربنا نرجع

أحمد : وانا كمان والله يا نور

نور: طب انت هتعمل ايه دلوقتى يااحمد ؟

أحمد : انا جعاااااااااان

نور: هههههههههههه انت على طول كده يا احمد اكل اكل على طول

أحمد : يا باااااى عليكى وعلى جرك هو مش انتى جولتى انهم عاملين الاكل ابون بوفيه

نور: ههههههههههههههههههههه ايه ( ابون ) ؟هههههههههه اسمه اوبن بوفيه

أحمد : يااااااااااه على رزالتك انتى كمان هتعملى زى صميده ولا ايه

بتيجى انتى فى الحاجات التافهه وتتكلمى

نور : ههههههه خلاص معلش

أحمد: طب ايه تيجى تاكلى معايا

نور بكسوف راحه قايلاله اوكى

أحمد : وبتجولى مش جعانه يالهوى عليكى تلاجيجى هتروحى هتعتدى على البوفيه كلها
نور : دا انا برده اللى كل شويه بقول انا جعان اناجعاااااااان

وراحوا الاتنين للبوفيه ويا ريتهم ما راحو للبوفيه
وياسلاااااام على اللى عملوا احمد وعلى الفضاااايح اللى عملها فى اللى بياكلواهناااااك

وهتعرفوا عمل اييييييييه على البوفيه
الحلقه الجااااااااايه ان شاااااااااء

ام حماده

11-29-2008, 08:05 PM

ههههههههههههههههههههه
هههههههههههههههههههههههههههههه
بجد شكرا اوى على اليوميات الجمدة دى منتظرين الجديد

رررررررروعه يامحمود

محمود بركات

11-29-2008, 08:11 PM

والله يا ست الكل منورا الدنيا كلها وان شاء الله اكملك باقى القصة

منورا الدنيا يا ست الكل والله

محمود بركات

11-29-2008, 10:45 PM

[فقط الأعضاء المسجلين والمفعلين يمكنهم رؤية الوصلات](7).gifالحلقه الثالثه عشر[فقط الأعضاء المسجلين والمفعلين يمكنهم رؤية الوصلات](7).gif

وراح احمد ونور اللى الابون بوفيه علشا ياكلوا
دا اللى وقفنا لحد عنده الحلقه اللى فاتت انا قلت افكر بس اللى نسى علشان عارف بجد انى اتأخرت المرة دى

المهم نكمل بقى...........
دلوقتى هما فى البوفيه

أحمد : عايزك يا بت يا نور تاكلى وتملى بطنك على الأخر جبل ما الوكل يخلص
نور : ههههههههههه يخلص ايه بس يا أحمد وبعدين البوفيه مفهوش حد كتير بياكل معانا
أجمد : برده يا نور انتى متضمنيش الاحتياط واجب بجولك ايه
ناولينى كده الفرخه اللى ناحيتك هناك دى وطبج المحشى اللى جنبيها بالمرة
نور : طيب بس انا اول مرة اشوفك جعان اوى كده
أحمد : لألأ اتعودى على كده خلاص دا احنا فاضل يوم ونرجع دا انا مش بعيد ابات
فى الابون بوفيه بتاعكوا ده
فلازم املا بطنى على الاخر
نور: ههههههههههههه طب ما انت اكيد هتجوع تانى يا ابنى اما ترجع
أحمد : ياباااااااااااااااى عليكى يا نور اسكتى بجى خلينى اعرف اتمزج بالفرخايه الجميله دى
دا انا اخر مرة كلت فيها فراخ اما كنت فى الشجه اللى انا جاعد فيها فى مصر وكانت كمان عملهالى الوليه
المايصه جارتى بس كانت ماسخه زيها
نور : ماااشى اتفضل كل انا مش هضايقك تانى

وطبعا كده هما كانوا خدوا الاكل وقعدوا فى المطعم بتاع البوفيه على التربيزة يعنى

أحمد : متزعليييش... بس انا جعان وهنكمل كلامنا بعد ما اخلص يا جمر
نور: طب كل برااحه محدش بيجررررررى وراااك
أحمد : حااااضر ... كده كويس ؟ طب خدى ورك الفرخه دى منى ليكى
نور : لالالا شكرا مش ينفع خالص فراخ مع سمك فليه
أحمد : مع اييييييييييه ؟ سمك فاااااليه ؟
نور: ايه يا احمد متعرفش السمك الفليه مش الفاليه
اللى هو بيكون من غير شوك
أحمد : إيوه إيوه عرفته خلاص اللى بيعوم فى الإحواض بتاعت السمك ده
نور: ههههههههه يااربى ... ايوه هو يا احمد كل بقى
أحمد : طب خدى اى حاجه منى اجبرى بخاطرى يا نور طب اجولك خدى يا سيتى
الطبج بتاع السلطه ده وجومى امليه سلطه وتعالى
نور: نعم نعم نعم ؟؟؟؟ من عينى يا أحمد
أحمد : تسلم عيونك يا جمر انت
وبعد ما راحت تجيبله السلطه بيكلم نفسه (( اومال ايه نعم نعم نعم دى اللى قالتها
دى زى حاضر مثلا عندها ولا ايه ))

المهم وهما قاعدين كان بياكل على الطربيزة اللى جنبيهم واحد من الجامعه برده معاهم واسمه ميدو
بس اييه قاعد معاه اربع بنات وشغالين بقى ايه ضحك ومقضيناها خاااالص
والواد ايه من الشباب الجامد جدا جدا واللى بيجيبوا من الاخر

نور: ايه ده يا احمد ده ميدو اهو
أحمد : يكونشى عادل امام يعنى ؟ ميشو مين ؟
نور : ميدو يا احمد بقولك ميدو الولد اللى معانا فى الجامعه
احمد : طب اهلا وسهلا اجوم ابوسهولك يعنى ولا اعمل ايه ؟
نور: طب انا هقوم اسلم عليه واقوله على حاجه كنت عايزاها منه
أحمد : نعم يا ست الجمورة تجومى تسلمى علييييه لييييييييييه ؟ يكونش حد جالك
انك قاعده مع سوسن ؟
نور : ههههههههه لأ والله مش قصدى بس اصلا كنت عايزة منه رقم الموبيل بتاع اخته علشان كنت عايزاها
فى حاجه
أحمد : ااااااااااه وبعدين ايه اللى عامله فى شعره ده وايه النضارة اللى قد ودان الفيل اللى لابسها
على عينه دى ودى يا ترى حفظ نظر ولا لابسها كده يتمرجع بيها جدام البنات
نور : دا استيل مووووت يا احمد وعسوووول اوى اوى
أحمد : طب ما تجومى تاخديلك كده بوستين على الماشى منه
نور: لأ انا بقولك يعنى انه استيل مش اكتر وبجد انا دلوقتى عايزة رقم اخته اعمل ايه وكل
ما اشوفه انسى اخده فا دلوقتى فرصه وانا فاكره
أحمد : طب من الاحسن انك تندهيلوا وهو يجى احسن
نور: طيب اوك فكره برده
نور: ميدووو ميدووووو
ميدو : ايه ده نور ازييييك يا بنتى

وراح قايم من على الطربيزة وراح راح عند طرابيزتهم

ميدو : ايه يا بنتى محدش بيشوفك ليه مختفيه يعنى
نور : معلش بقى يا ميدو انت عارف الشهرة والاضواء فا لازم ههههههههه
اعرفك احمد يا ميدو وده ميدو يا احمد
ميدو : ازيك يا ابو حميد وايه يا عم المطعم اللى انت فاتحه قدامك ده
نور : ههههههههههههههههههههههه
أحمد : هههههه مش كنتى تجوليلى يا نور ان ميشو صاحبك دمه خفيف كده
ميدو : وانت معانا بقى يا مان فى الجامعه
أحمد : مان ؟؟؟؟؟؟ بتجولك احمد وبعدين مان دى شتيمه ؟؟؟؟
ميدو : لأ يا صاحبى عيب عليك دى معناها راجل بس بالانجلش
أحمد : ربنا يخليك يا ميشو قصدى يا ميدو انت اللى شكلك راجل
ميدو : ربنا يخليك
أحمد : ويا ترى النضارة دى نظر ولا ايه ؟
ميدو : هههههههههههههه نظر مين يا عم الحج انت ايه مش شايف السواد اللى
فيها ولا ايه
دى نضارة شمس يا صاحبى
أحمد : اااااااه اللى هى ضد الشمس وكده
زى قبنورى ضد الحرق وضد الكسر هههههههههههههههه
نور : احمد يا ميدو من الناس القريبين اوى منى فى الجامعه
ميدو : اهلا وسهلا يا مان بلاش مان دى اهلا يا صاحبى وفرصه سعيدة
نور: كنت بقولك ايه يا ميدو كنت عايزة رقم سارة اختك علشان كنت عايزاها فى حاجه
ميدو : بس كده يا جميل هاتى موبيلك وانا اكتبهولك
نور : اتفضل
ميدو : مش عايزين منى حاجه بقى يا جماعه انا جمبيكوا على الطرابيزة لو عوزتوا اى حاجه منى
ماشى يا ابو حمييييييد
أحمد : ماشى يا صاحبى ربنا يخليك
نور : شوفت بقى انه طيب وعسل وجدع كمان
أحمد : ما خلااااص يا جمورة ايييييه ده كله كفاايه حاجه واحده
نور: ايه رايك يا احمد تعمل نيولوك فى شعرك ولبسك وكده زى ميدو
أحمد : بجولك ايييه وماله شعرى ولبسى يا ست هاااااانم
ايه شايفانى اراجوووووز ؟؟
نور: لأ يا احمد والله مش قصدى بس انا قصدى ان الناس كلها بتعمل تجديد فى شكلها
وكده وهيبقى للأحسن طبعا فاكر اخر مرة عملت فيها كان جميل ازاى
أحمد: اه طبعا وانا اقدر انسى بأمارة اما الحلاق اللى حلقلى تانى يوم مات
نور : ههههههههههههههه
أحمد : اه والله انتى فاكرانى بهزر فا مش ناقصين حد يموت تانى كفايه المرة اللى فاتت

ومن ساعتها وانا متعقد من البلو توك
نور : ال ايييييييييييييه ؟ يا اربى اسمه نيو لوك
احمد : مش موضوعنا دلوجتى يا رخمه ... طب انا موافج بس عايز حلاج يكون
كويس بقى ومش من اللى بيموتوا
نور: ولا يهمك يا سيدى كده كده احنا خلاص راجعين بكره اما نرجع اخلى ميدو يوديك للحلاق اللى بيروحلوا
وبعديها ننزل نجيب اللبس كمااان ايه رايك ؟
أحمد : ماااشى يا جمر . بجد يا نور مش عارف اجولك ايييييه يا نور انتى طيبه جوى جوى
نور : لأ يا احمد متقولش كده انت متعرفش انت ايه بالنسبالى
أحمد : طب انا هجوم اغسل ايدى

طبعا نور اضايقت علشان احمد قطع الحوار الرومانسى اللى كان ابتدى بينهم

نور : طيب اوكى اتفضل يا بيه

ام حماده

11-30-2008, 08:43 AM

رررررررررروعه يا محمود فى انتظار البقه شكرا لمجهودك مش كثير عليك الابداع

administrator

11-30-2008, 09:13 AM

جميل اوى يا حوده مستنين منك الباقى عشان متشوق اعرف باقى القصه
تسلم ايدك يا كبير

محمود بركات

11-30-2008, 04:31 PM

رررررررررروعه يا محمود فى انتظار البقه شكرا لمجهودك مش كثير عليك الابداع

الروعة مرورك يا ست الكل

ومن عنيا الاتنين الباقى جاى فى الطريق

مرسى على المرور الغالى ده يا امى

محمود بركات

11-30-2008, 04:33 PM

جميل اوى يا حوده مستنين منك الباقى عشان متشوق اعرف باقى القصه
تسلم ايدك يا كبير

يا حبيب قلبى والله لولاك انا اروح احسن

ديما منورنى ياغالى

الباقى جاى فى الطريق انت تامر يابرنس

مرسى على مروروك ياغالى

محمود بركات

12-01-2008, 11:40 AM

[فقط الأعضاء المسجلين والمفعلين يمكنهم رؤية الوصلات](7).gif الحلقه الرابعه عشر[فقط الأعضاء المسجلين والمفعلين يمكنهم رؤية الوصلات](7).gif

احمد: نور هو احنا هنرجع ازاى
نور: مش دلوقتى يا احمد لسه هنشترى حاجات ونرجع دا احنا في شرم

احمد: يعنى ايه في شرم سوق الازبكية يعنى ولا ايه

نور: هههههههههه عثل والله

احمد: طيب تخدى شوية ههههههه مش تزعلى بجا انا بنضحك معاكى ومتجفليش معايا امال ...ماشي يا كتكوتة على رأي حماصة اللمبي
نور: حماصة ههههههههه اسمه محمد سعد
احمد:ليه هو ابن سعد زغلول ولد عم الام صفية ولا ايه
نور :خلاص يا احمد قفل ع الموضوع دا بقا
احمد:طيب احنا هنعمل ايه دلووووقت
نور:هنروح للكافيتريا نشرب كابتشينو او نسكافيه ونرجع تانى
احمد: نشرب ايه ...لللللللللللللللللللع انا مليش في الصنف دا مكنش الشاى اللى في الكوز الكبير دا يا بلاااااااااااش
نور: كوز ايه بس اسمها شووووب
احمد: وانا مالى بجااااا بالشوب والكلام اللى انتى بتحددى فيه دا
نور:ثوانى يا احمد مروة صحبتى هناك اهى اسلم عليها ومعاها مودى
احمد: ومين مودى دا ابن العمده حدااااهم ولا ايه
نور: اذيك يا اميرة واذيك يا مودى
مروة : اذيكم عاملين ايه وحشانى يا نور والله ..مش تعرفينا والله
احمد: انا احمد معاها في الكلية
مودى: يا اهلا يا صحبي ايه الروشنة الجامدة اللى فيك دا ..جامد والله
احمد: خلاص يا خفيف عين امه انت
نور: هههههههه أحمد دمه خفيف اوى يا جماعه
احمد: وانتى فرحانه وانتى بتجوليها كده ليه
مروة : طيب معلش هنستأذنكم عشان نحضر الحاجات قبل منشي بقا
أحمد: طيب بسرعه الا الجطر يفوتك
نور: ياله نشترى شوية حاجات بقا
أحمد: ماشي انا هشترى ل بوووى جلباية وامى تييييشت تعجن فيه
نور: ايه تيشت ومش تيشت ...يا احمد دى بلد سياحية فيها سياح ومش هتلاقي الكلام دا
أحمد: طيب اشترلهم ايه يعنى
نور: يعنى تشترى ليك نظارة شمس وشنطة كروس واحد وكده يعنى يا حماده
أحمد: حماده انا مبدلعشي يا نوووور عيب قوووليلي ميدو احسن ههههه
..ماشي وهنشترى دول منين بجاااا مفيش سوق هنا ولا ايه انا شايف حمير ياما معديه من هنا هوووو
نور: لا مفيش سوق واسكت بقا عقبال منشوف هنشترى ايه
أحمد: طيب انا همشي شوية اشوف اللبس والنضارة والكلام دا ..ماشي يا بت ولا اييييييييه
نور: طيب استنانى هنا ماشي يا جميل
أحمد: حماده وجميل ..شكل امى صلت الفجر حاضر النهاردة هههههههه
نور: هههههههههههههه

اخينا احمد بقا وهو ماشي لقي واحد بيعلم ابنه السباحه جه احمد قايله
أحمد: بص انت تحدفه في الميه يردلك تانى ع طووول ويبقا هو كده تمام جووووووى
الراجل : tnx man..im realy thank u
أحمد: هو ايه هو فاهمنى ولا ايه الرادل دااااا وانا مالى بالراجل هي فين نوور بجاااااااا

احمد:يا نووووووووووووووووووور يا نووووووووووووووووور يا لاييييييييييييييييييت
نور: بص يا احمد انا اشتريت حاجات حلوة ازاى
أحمد: ايه القصير دا عيب يابت الكلام دا بتلبسي بنطلون مجطووووووووع ولا ايه
نور: دا برمووود يا احمد
أحمد: ايه برمود دا مكنش المثلث بتاع برمودا ولا ايه
نور: ياله بقا عشان اشتريلك شوية حاجات ونرجع وعشان تروح تعمل نيولوك عند الحلاق بتاع ميدو ونروشك شوية
أحمد: ماشي يا جمووووورة انتى
نور: ايه رايك في التشيرت دا والبرمود دا والكوتشي الصابوووه دا هيبقا طقم عليك تحفه
أحمد: ايه طجم دا هو طجم لسان ولا ايه ... ماشي حلو الكلام يا نور مستشكر يا نوور

وخلاص واحمد بيودع شارم وبيقول جايلك السنة الجاية ان شاء الله مش تتغيري بقا او تللعبي بديلك يا شارم

وركبوا الاتوبيس بس ياترى هيرجعوا؟

............................
دا اللى هتعرفه الحلقه الجايه
ونشووووووفكم الحلقة الجاية ان شاء الله

ام حماده

12-02-2008, 12:06 PM

تسلم يامحمود ع الحلقه الجامده

ننتظر الحلقات القادمه ان شاء الله

محمود بركات

12-02-2008, 06:00 PM

ست الكل

منورا الدنيا والله

ومبروك على التوقيع الجديد

الحلقة القادمة فى الطريق

انتى تامرى ياست الكل

ومرسى على المرور الجميل ده

محمود بركات

12-02-2008, 06:20 PM

[فقط الأعضاء المسجلين والمفعلين يمكنهم رؤية الوصلات](7).gifالحلقه الخامسه عشر[فقط الأعضاء المسجلين والمفعلين يمكنهم رؤية الوصلات](7).gif

طبعا كنا وقفنا ان احمد ونور خلاص مروحين
بسي للاسف
لا روحوا ولا حاجه
من حظهم انهم كانوا هناك ايام العمليات بتاعت شرم الشيخ
واتمنع الدخول او الخروج لمدة اسبوعين
يعنى لسه هيقعدوا كمان اسبوعين
حصل ايه بقى؟

؟؟؟؟؟؟؟؟؟؟؟؟؟؟؟؟

رجعوا الفندق
وبعدين

( احمد ساب نور واقفه في الريسبشن وطلع يحط الشنط ووهو بيغير الباب خبط )

احمد : مين اللي بيخبط
الطارق : انا
احمد : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا
محمود ( محمود دا صاحب احمد شافه في المطعم وطلع وراه الاوده عشان يسلم
عليه)
احمد : ( فتح الباب لاقا محمود صحبه خاده بالحضن وسلامات وبوس )
محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
احمد : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
احمد : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان والف شكر

( احمد ساب محمود ونزل يفطر بقي اخيرا هيفطر مع نور )
احمد : اخيرا يا نور هنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا
جرسون : حاضر يا فندم

( الجرسون جاب الاكل وكله الحمدو لله ونور خدت احمد وتمشوا علي البحر )
نور : انت هتعمل النهارده ايه يا احمد
احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا

( احمد ونور طلعوا اودهم وهنعرف عملوا ايه باليل )

محمود بركات

12-03-2008, 01:35 AM

[فقط الأعضاء المسجلين والمفعلين يمكنهم رؤية الوصلات](7).gifالحلقه السادسه عشر[فقط الأعضاء المسجلين والمفعلين يمكنهم رؤية الوصلات](7).gif

( احمد ونور طلعوا يسيتريحوا وهيخرجوا مع بعض بليل
....................... بعد وقت طويل احمد ونور قابلوا بعض بليل كده بعد
المغرب وخرجوا مع بعض )

احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه
نور : وانا بردك تصور بص يا سيدي اتكلم انا ولا تتكلم انتا
احمد : لا اتكلمي انتي وانا بعدين اتكلمي ليدز فرست
نور : بص يا سيدي انا اسمي نور عبدالله والدي شغال مدير بنك اوك
والدتي اسمها مش مهم وشغاله في الجامعه
احمد : تصدقي اسم مامتك جامد مش مهم مين الذيذ الي سماها الاسم ده
نور : هههههههه يخربيت عقلك يا احمد اسمع بقه
احمد : اتفضلي خلاص
نور : وانا عندي اخت واحده اكبر مني وماسفره مع جوزها واعده في البيت لوحدي مع ماما
وبابا وليا اخ صغير كده بس ايه عسل
احمد : ربنا يخلوهملك
نور : انا حكيت اهه اتكلم انت شويه
احمد : بصي يا سيتي انا اسمي احمد عمر والدي عمده القريه الي عايشين فيها
والدتي ست بيت طيبه اوي
نور : ربنا يخلهالك
احمد : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخلهالك
احمد : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
احمد : طويب
نور : وانت دخلتها ليه تلاقيك عشان المجموع
احمد : لا والله انا دخلت 5c8 ها عشان كان نفسي اخشها يعني شغلها كتير وفي جميع المجالات
نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها
احمد : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( نور وشها احمر
واخضر وبتكلم نفسها دا كل المواصفات دي فيا وسرحت في كلام احمد)
احمد : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين
نور : هه معاك ايوه كنت بتقول ايه
احمد : لا انتي كنتي فين يا بنتي بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف
احمد : ( احمد بيضحك مع نور ) تصددقي المواصفات دي فيا يعني انفع ابقي جوزك
نور : ههههههههههههههههههههههههههه يا بنن الايه انا نفسي في ايس كريم دا يا احمد
احمد : من عنيا يا نور

( نور واحمد امتشي كتير اوي وكلموا اكتر وراحوا المطم بتاع الفندق اتعشوا وطلعوا ناموا )
( تاني يوم الصبح احمد ونور فطروا سوا وراحوا البحر|)
احمد : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
احمد : طويب خالي بالك من نفسك
نور : طيب انا بعرف اعوم خالي بالك انتا من نفسك ( احمد علي فكره بيعوم علي اد ه )
احمد : الحقوني الحقوني الحقوني يا نووووووووووووووووووور بغرق
نور : ااااااااااااااااااااااااااااحمد

administrator

12-03-2008, 11:18 AM

حبيبى والله يا حوده جامده اوى القصه كمل بقا عشان عاوز اعرف اية الى حصل انت بتقطع فى حتت رخمه
شكرا يا كبير على مجهودك

محمود بركات

12-03-2008, 01:46 PM

حبيب قلبى ياكبير والله

معلش لازم كدا ياحبى علشان التشويق

من عيونى اجبلك احلى حلقة لعيونك يابرنس

ام حماده

12-03-2008, 02:47 PM

لا تعليق ههههههههههه محمود الغالي بجد رووووووعه ==تنفع تكون مولف او كاتب قصص ربنا يوفقك والى الامام دايماا وانا اكثر منك يا هانى متحمسه للعدد الجاي[فقط الأعضاء المسجلين والمفعلين يمكنهم رؤية الوصلات](25).gif[فقط الأعضاء المسجلين والمفعلين يمكنهم رؤية الوصلات]لاتطول علينا -

محمود بركات

12-03-2008, 02:48 PM

انتى تامرى ياست الكل حالا هتكون عندك

ومرسى على الكلام الحو ده ياست الكل

حلا العدد الجاى فى الطريق

محمود بركات

12-03-2008, 02:54 PM

[فقط الأعضاء المسجلين والمفعلين يمكنهم رؤية الوصلات](7).gif الحلقه السابعه عشر[فقط الأعضاء المسجلين والمفعلين يمكنهم رؤية الوصلات](7).gif

( يالهوي انا سايب احمد دا كله بيغرق ومحدش انقذه دا زمانه ماااااااااااااات لما نشوف حصله ايه)

احمد : يا نوووووووووووووووووور الحقيني الحقيني ( واحمد قاعد يطبش باديه ورجليه وينزل ويطلع يا عيني يا احمد

نور : احمد انا جايه اهه امسك نفسك شويه
( يا عيني نور كانت لسه بتغير هدومها مش لحقت نطط في الميه بهدومها وجت
عند احمد لسه بتمسكه احمد دنه يضحك ويعوم ونور يا عيني هتعمله ايه وزعلت
منه ومشيت

احمد : خدي يا نور انا كنت بهزر معاكي بجد والله خدي بس مش تزعلي
نور : نور دي حركه تعملها فيا بردك انا قلبي وقع في رجلي اخص عليك يا احمد
احمد : خلاص بقه يا نور المسامح كريم وانتي مش بتزعلي صح
نور : خلاص يا احمد مش حصل حاجه بس مش تعملها تاني
احمد : اوعدك اني مش هعملها تاني اطلعي بقه غيري هدومك عشان مش تخدي برد
والبسي كده اللي علي الحبل وانزلي عشان هعزمك علي غدوه جامده مووووووووت

( نور طلعت غيرت واحمد طلع لبس هو كمان اللي علي الحبل وراحوا فين)
فااااااااااااصل اعلاني ونعوووووووووووووووووووووووووووود

اعلانااااااااااااااااااااااااااااات طويله شويه

( احمد ونور نزله وقابله بعض في الريسبشن )

نور : ايه بقي يا احمد الغدوه الجامده دي
احمد : لا دي مفاجاه هتعرفيها دلوقتي
نور : طيب يلا بسرعه عشان انا هموت من الجوع
احمد : اوك يلا تاكسي
التاكس : where are you go?

نور : وااااااااااااااو ايه المحل التحفه ده يا احمد
احمد : دي حاجه بسيطه كده عشان اعتزرلك علي الموقف اللي حصل الصبح
( نور بتقول في سرها ياريت تعمل الموقف دا كل يوم )
نور : موقف ايه يا احمد مافيش حاجه حصلت دا يدوب كان قلبي هيقف
احمد : بعد الشر عليكي عشان الخضه دي قولت اغديكي اكله جامده موووووووت
الجرسون : اوامرك يا افندم تطلب ايه
احمد : بص يا سيدي عايزين ولا جميع انواع السلكات والمخللات
ثانيا بقي هات جميع انواع السمك اللي عندكوا ظبطنا يعني
ومتنساش الجنمبري عشان الفوسفور يعني ظبطنا كده
الجرسون : اي خدمه تانيه يا افندم
احمد : شكرا متنساش اهم حاجه الميه بسرعه
نور : ايه الاكل دا كله يا احمد احنا هنقدر ناكل دا كله
احمد : ان شاء الله انا بقالي يومين مش باكل الاكل بتاع الفندق ده مش بيشبع خالص
احمد : قوليلي صحيح يا نور عقبال ما يعملوا الاكل انتي مش اتقدملك حد للجواز خطوبه
يعني
نور : بيتقدموا والله يا احمد بس انا لسه صغيره مش بفكر في الكلام ده دلوقتي وبعدين انا لسه مش قبلك فارس احلامي يعني لسه شويه

احمد : عملتي خير والله جواز ايه دلوقتي انتي لسه صغيره
نور : وانت مش حاطط عينك علي حد
احمد : حاطط عيني علي الطفايه دي
نور : ههه يخربيت عقلك بجد والله
احمد : لسه والله يا نور مش قابلتا الانسانه اللي بحلم بيها بس يعني في احتمال اني لاقتها
نور : وشها احمر واخضر وضرب الوان طيب ما تقولي مين دي
احمد : لا لسه شويه في الوقت المناسب هقولك
الجرسون : الاكل يا افندم

( احمد ونور اكلوا بالهنا والشفا وشربوا بيبسى واتمشوا لغايه بليل ولفوا البلد
ودنهم يتكلموا كتير اوي مش عارف بيتكلموا في ايه المهم الاتنين روحوا وناموا
تاني يوم بقه صحيوا ونزلوا فطروا وراحوا البحر )

احمد : صباح الخير يا نور
نور : صباح الخير يا احمد عامل ايه
احمد : المشي بتاع امبارح ده بوظلي رجلي المهم انتي هتنزلي البحر
نور : اه بس اوعي تعمل حركه امبارح
احمد : لا خلاص عيب مش عنت هعملها
( احمد ونور نزلوا البحر وبيعموا فاحمد وقف شويه ونور دخلت جوه من كتر
الارهاق جالها شد عضل فكانت هتغرق اعدت تنده علي احمد واحمد منفضلها
وكانت هتغرق
عايزين تعرفوا هيحصل ايه الحلقة الجاية بقى
[فقط الأعضاء المسجلين والمفعلين يمكنهم رؤية الوصلات](7).gif[فقط الأعضاء المسجلين والمفعلين يمكنهم رؤية الوصلات](7).gif[فقط الأعضاء المسجلين والمفعلين يمكنهم رؤية الوصلات](7).gif

محمود بركات

12-04-2008, 12:58 PM

[فقط الأعضاء المسجلين والمفعلين يمكنهم رؤية الوصلات](7).gif الحلقه الثامنه عشر[فقط الأعضاء المسجلين والمفعلين يمكنهم رؤية الوصلات](7).gif

( احنا سيبنا نور بتغرق والحلقه خلصت مش مشكله نكمل )

نور: اااااااااااااااااااااااحمد الحقني يا احمد الحقني بغرق
احمد: (احمد فاكر نور بتردله المقلب اللي عمله فيها واحمد منفضلها
احمد : بطلي شغل عيال يا نور انا فاهم الحركات دي واحمد اعد يضحك ( بارد اوي احمد ده هو مش بارد هو عامل نفسه ناصح )
نور : الحقوني الحقوني بغرق
( نور بتغرق بجد وعماله يا عيني تطلع وتنزل وتشرب في ميه واتخنقت )
احمد : نوووووووووووور

( احمد عام باقصي سرعه ونور اغمى عليها واحمد زعلان اوي راح شيلها وطالع بيها علي الشط )
احمد : نور نور اوعي تسبيني ( واحمد بيخبط علي صدرها عشان الميه تطلع مافيش فايده )
اجمد : احمد جاب الاسعاف وراح بيها علي المستشفي

( الاسعاف جه خد نور علي المستشفي وهناك عمله الازم طلعوا الميه ورجعولها التنفس وبقت تمام بس لازم تدنها يومين كده
احمد يا عيني في المستشفي بهدوم البحر ودموعه في عينه وبيدعي لنووووور )
احمد : دكتور خير
دكتور : خير يا ابني اتطمن الحمد لله هي بخير
احمد : الف شكر يا دكتور الف شكر ممكن ادخولها
دكتور : ممكن

( احمد والدموع تتلالا في عينه داخل علي نور وبكل رومانسيه )
احمد : حمدالله علي السلامه يا نور وبيديها ورده
نور : مرسي يا احمد
احمد : انتي بعد الشر لو كان جرالك حاجه انا كنت هرمي نفسي في البحر
نور : متقولش كده انتا برده اللي انقذت حياتي
احمد : انتي اللي ردتيلي حياتي والله يا نور بعد ما تطمني الدكتور
نور : مرسي يا احمد
احمد : شدي حيلك بقي كده وقوميلنا بسلامه كده
نور : ان شاء الله احمد روح انت استريح انت شكلك تعبان
احمد : اسيبك وامشي مش هقدر وبعدين انا زي الفل اهه
( صحاب نور عرفه اللي حصل جم بسرعه يطمنوا عليها )
ريم : نور حبيبتي الف سلامه انا مش صدقت والله اول ما قالولي انتي كويسه
نور : انا الحمد لله كويسه
ريم : الحمد لله
ريم : انا متشكره جدا يا احمد عشان انقذت صحبتي
احمد : علي ايه يا ريم ماهي صاحبتنا كلنا بردك
ريم : عنددك حق يا احمد مرسي اوي

( نور اعدت يومين في المستشفي وبعدين طلعت كان فاضل يوم واحد بس ويرجعوا )
( احمد وريم وصلوا نور للاوده بتاعتها ونامت وتاني يوم الصبح )
احمد : حمدالله علي السلامه يا نور
نور : الله يسلمك يا احمد والله انا مش عارفه ارد جميلك ده ازاي
احمد : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا مش كنت هسامح نفسي خالص
نور : متقولش كده يا احمد انت بردك الي انقذت حياتي

( في منظر رومانسي تحت السماء صافيه والبحر الازرق والموسيقي في الفندق شغاله )
احمد : بس يا نور تعرفي وانتي نايمه بتكوني جميله اوي
نور (وشها احمر وضرب الوان ومش عارفه تقول ايه ) : مرسي يا احمد انت الاجمل ولله
احمد قرب من نور وبص في عنيها

وهنعرف قالوا ايه لبعض الحلقه الجايه

محمود بركات

12-04-2008, 01:00 PM

[فقط الأعضاء المسجلين والمفعلين يمكنهم رؤية الوصلات](7).gifالحلقه التاسعه عشر[فقط الأعضاء المسجلين والمفعلين يمكنهم رؤية الوصلات](7).gif
الحلقـــــــــــة قبل الأخييييييييييييره

نشوف بقا أحمد ونور وهما راجعين في الاتوبيس وبعد ما سابو شرم
متنسوش الاحداث معايا اوك
نور : شايف يا أحمد شرم حلوة اد ايه؟
احمد: جميلة جوى شرم بس انتى الاحلى يا نور
نور: عيب يا حمادة بتكسف
أحمد: بتتكسفي ويعنى انتى لما تجوليلي يا حمادة هفرح انا أكيد هتكسف بردوو
نور: خلاص لا انا اكسف ولا انت
أحمد: الاغنية دى سمعتها جبل كده بتاعت مين دىىىى
نور: انه اغنيه ؟
أحمد: نور عينى
نور: ااااااااااااااااااه نور عينى بتاعت تامر حسنى
أحمد: تامر بن الولد حسنى اللى هو............
نور: هو ايه ؟
أحمد: لا متخديش في بالك حصل خير بس دى انا سمعتها قبل كده قبل برنامج بكااااااار عشان الطابور الصباحي وكده ههههههه
كل دول وهو لسه مش ركبوا الاتوبيس المهم ركبوا الاتوبيس فـ
أحمد بيقول لنور: الاتوبيس دا مكيف يا نور؟
نور: انت جيت فيه اول مرة انت شايفه ايه ؟
احمد: والله انا شايفه انه راجل طيب جووى جوووى وربنا يصلحله الحال ويتجوز اتوبيساية تكون محترمة بردو
نور: تعرف ان انت عسل يا احمد
احمد: بجد بجد الكلام دا من الحتة اللى في الشمال يا نوور ولا اييييييييييه
نور: اه يا احمد انت تستاهل كتير اووى والله
احمد: خلاص يا نور الا انا بتغر بصراحه وهقلبها نكد عليكى فريحي نفوخك بقا
احمد ونور وهما راكبين لقوا شاب مع جيتار وبيعزف وكلام ....
أحمد: بقولك ايه يا بن عمى
نور: انت بتكلم مين
احمد: الشاب الحليوة اللى هناك دا يا بن عمى يا بن عمى
الشاب: نعم يا مان
احمد: مان؟!!! دا اخر واحد جلهالى لسه في المستشفي دلوجتى بيتعالج ههههه بضحك معاك يا مان انت كمان
نور: هههههههههه انت مشكلة يا احمد
أحمد: بس يا بت انتى كلام الرجالة والمانات مع بعضيهم مش تنحشرى انتى اسكتى خالص
الشاب: ماشي يا مان انت عاوز ايه بقا أأأمر يا جميل
أحمد: عاوز العب شوية ع الزمارة الكبيرة اللى في ايدك دى ...تصدق يا اخ
الشاب: اصدق ايه
أحمد: لا متصدقش ..كان في وخلص خلاص فوووووت علينا بكرة بجاااا ههههه
نور: اهدى يا احمد شوية عشان منعرفش مين دا وانت داخل في تريقة
أحمد : عادى دا مان وانا مان وهنقضيها ميينز باذن الرحمن
الشاب: عاوز تلعب ع الزمارة ؟
أحمد: اه ياريت يا مان والله
نور: عاوزة اشوف ابدعاتك بقا يا أحمد بلييييييييييز
أحمد: ايه بليييييييز دى انتى عاوزة تشربي اصل كنت بخدها في درس اللغة
الانجليزية وانا صغير عاوزة تشربي تجولي بليييز عاوزة تقومى وتقعدى تجولي
بليييييييز ...اى حاجة بلييييييز في بليززززززز
الشاب: خد يا مان انت
أحمد: اتفرجى عليا بقا يا نور وانا ببدع
نور: ماشي يا احمد
أحمد مسك الجيتار وعمال يعزف زى اى حد ومهواش عارف بيعمل ايه خالص
احمد عطى الجيتار للشاب دا وقاله جميلة الزمارة دى كمل عليها وهات علبة سجاير بقا ههههههههههه
الشاب : طيب شكرا يا مان على كلامك الحلو دا
أحمد: عجبك يعنى خلاص هلفهولك في سندوتش بقا عهههههههههههه
نور: لا يا أحمد انت زودتها كتير وهما مش يعرفنا بس شكله طيب عشان متكلمش خالص
الشاب: ولا يهمك وانت زى العسل يا أحمد
أحمد: شايفة يا بت يا نور الناس بتعترف بيا ازاىىىى انى عسل لكن انتى استغفر الله .......
نور: بقا انا يا احمد ماشي احنا قربنا نوصل اهووو وشكرا يا احمد بجد وانا زعلانة منك بجد
احمد: لللللللللللللللللللللللللللللا مش تزعلى مش اقدر انا يا جميل انت دنتا الحتة اللى في الشمال
نور: طيب خلاص وانا مقدرشي ع زعلك اساسا يا احمد
أحمد: منا عارف انك مش تقدرى لو تقدرى هولع في الدرة اللى عندك في الجنينة في البيت هههههه

المهم نور وأحمد وصلوا لارض مصر ونور اتفقت مع أحمد انها توديه ع الحلاق عشان يظبط حاله شوية

انا نزلتلكم 3 حلقات مرة وحدة اهوا
علشان انا مسافر

لما ارجع بقى نكمل
:):):):):):):)

استنوا الحلقة الاخيره
[فقط الأعضاء المسجلين والمفعلين يمكنهم رؤية الوصلات](7).gif[فقط الأعضاء المسجلين والمفعلين يمكنهم رؤية الوصلات](7).gif[فقط الأعضاء المسجلين والمفعلين يمكنهم رؤية الوصلات](7).gif

ام حماده

12-06-2008, 01:34 PM

شكرا ليك يا محمود على القصه أكتر من رائعه و تحفه و بجد إحنا استمتعنا بيها كتير جدا و مدام فيه إبداع اكتر من كده

اقترح يتم فتح قسم خاص بالقصه بعيدا عن الشعر و الأدب و يبقي نوع من تطوير المنتدي و أكيد حيكون فيه ناس كتير مبدعين

وفى انتظارك ان شاء الله ترجع لنا بالسلامه

محمود بركات

12-11-2008, 08:15 PM

الف مليون شكر يا ست الكل
على المتابعة الجميلة للقصة
وان شاء الله انزل اخر حلقة علشان عيونك
ومرسى مرة تانية على المرور

محمود بركات

12-12-2008, 08:22 PM

[فقط الأعضاء المسجلين والمفعلين يمكنهم رؤية الوصلات](7).gif الحلقة الأخـــــــــــــير[فقط الأعضاء المسجلين والمفعلين يمكنهم رؤية الوصلات](7).gif
انا اسف انى اتاخرت بس انتم عارفين الظروف

طبعا احنا عارفين ان نور وأحمد رجعوا خلاص ونور هتاخد احمد ويروحوا للحلاق عشان النيولوك
المهم ياله بينا وهتعرفوا كل حاجة

نور: انا زعلانة يا احمد عشان الرحلة خلصت بجد
أحمد: وانا فرحان عشان كنت جمبك
نور: بجد يا احمد
أحمد: ايوة يعنى هتكونى في ظهرى منتى جمبي دايما ولا اييييييييييييييه ؟
نور: طول عمرك دمك زى العسل يا أحمد
أحمد: الله يخليكى تاخدى شوية ....
نور: شوية ايه ؟
أحمد: لا قدرررررى محصلشي بجاا خلاص
نور: خلاص انا زعلانة منك ولازم تصالحنى بقا
أحمد بيقول لنفسه ايه التدبيسة اللى انا فيها دى هصالحها ازاى الولية دى ؟
أحمد: خلاص اغنيلك يعنى يا نووور
نور: ياريت يا أحمد
أحمد: طيب
نور: ايه هتغنى ايه ؟
أحمد: هغنيلك اغنية بحبها جووووووووووووى للمطرب صلاح شيشة هتعجبك جووى
نور: شيشة مين يا عم ...اقولك غنيلي لعمرو دياب
أحمد: عمرو مين !!! بقولك شيشة تقولي دياب ..دا الدنيا اتغيرت يا جدعان وع العموم هغنيلك اغنية من الشريط الجديد
نور: بجد طيب ياله بسرعه
أحمد: خليكى معايا يا نووووووووووووووووووووووووووور الا الدنيا تتضلم ولا حاجة
نور: الله انتا عارف اغنية خليك معايا انا بحبها موووووووووووووت
احمد: أمال يا بت انتى دا انا الفنان بتاعت البلد عندنا دا انا حتى بغنى أجنبي جامممممممممممممممممممممممممد
نور: طيب ياله نقعد علي كافتيريا بقا
أحمد بيقول ايه البت الاستغلالية دى انا عاوز احلق وانضف بجاااااا
أحمد: بلاش جهاااااااااااااااااوى يا نووور الله يكرمك بخاف من الشيشة انا وانتى شكلك مش يطمن الصراحة
نور: لالالا مش بشرب انا ومتخفشي هنشرب نسكافيه وكانتلوووب وووو
أحمد: ووو حشيش و لا ايه
نور: لالالالا يا أحمد ماتقولش كده
أحمد: حشيش فايدة فيك
نور: ايه نعم !!!
أحمد: بانجو انت تانى
نور: مممممممم بتقول ايه يابنى
أحمد: بودرة تندم يا جميل
نور: اندم علي ايه بس !!
أحمد: مش كنا هيروين مع بعض
أحمد: ايه رأيك بقا في الاغانى الرومانسية الدامدة دىىىىى
نور: لا بجد انت فنان ونعم الاغانى بجد
أحمد ونور راحوا ع الكافتيريا والجارسون جى
الجارسون: تطلبوا ايه حضراتكم
أحمد: مين دا اللى لابش بنص كم وشايف نفسه بطقم فيلم الابيض واسود دا
نور: استنى يا أحمد انا عاوزة ....
أحمد: عاوزة ايه ...اطلبك واحد عبد الحليم حافظ مع شادية بس تعلى الصوت الله يكرمك الا انا سمعى بايظ اليومين دوول
نور: ههههههههههه اسكت بقا .... خلاص معلش يا متر
أحمد: متر ولا نص أخرك معايا نص كيلو يا جمووووووووووووووووور انت
نور: خلاص يا احمد ..هاتلنا نسكافيه وهات لاحمد قهوة
أحمد: بس القهوة تكون بنى الله يخليك الا لو غير كده هلبسها في وشك
نور: ها يا احمد مش هتقولي كلام حلو في القعدة الرومانسية دى
أحمد : بحبك يا.........
نور: بجد .يا ايه طيب ؟
أحمد: يا أمى
نور: طيب يا فالح اسكت بقا
احمد يقول البت شكلها بتحبنى بس لما انضف اظبطها انا
وقام أحمد ونور وخلاص نوور اتصلت باخت الولد الروش عشان يقولها المكان فين وتودى أحمد هناك
المهم راحوا هما الاتنين بس نور راحت مشوار وحترجع لأحمد
نشوف بقا الكلام مع احمد عشان النيولوك الداااااامد دا
أحمد: السلام عليكم يا حلاق ..ماذا بك الم تريد ان تحلق لي لو لم تفعل هذا لاذبحنك ذبح الابل
الحلاق : ايه يا استاذ في ايه وعلي العموم وعليكم السلام اتفضل !!!!
أحمد: الله يزيد فضلك بس عندك ساندويتش مية ساقعه الا انا سقعان اوووى
الحلاق: لا معنديش واسكت يا رغااااى
أحمد: دا انت اللى رغاى دا النهاردة اللتنين وفاتح مش اجازتك دى يا بارد
الحلاق: معلش بقا اكل العيش ...المهم
احمد: ام هند ااااااااااااه
الحلاق : عاوز تحلق ايه
أحمد: والله احلقلي كابوريا مع سردانية ع السوالف على شوية تمليحة على شنبي
الحلاق : ايه اللى انت بتقوله دا يعنى احلقك كابوريا ؟
احمد: ايوة يا عم وخلص بقا يا عم عشان يومك يعدى معايا
الحلاق قعد يحلق لاحمد ومرة واحدة أحمد قام وقاله

أحمد: انت يا عم في ايه انا مش قولتلك كابوريا ايه مثلث برمودا اللى انت عامله دا هتخرف في الخرايط ولا ايييييييييييييييييييييه
الحلاق: خلاص يا استاذ بلا خرايط بلا كلام فاضي هظبطك انا
الحلاق شال المكنة بتاعت الحلاقة وشغال بيصفصف شعر أحمد
احمد: ايوة كده الله ينور عليك كده احبك يا حلاق يا معفن انت
الحلاق : لاحظ يا استاذ انك بتشتم كتييييييييييير وكده مش كويس بجد
أحمد: خلاص هسكت يا بارد
الحلاق : طيب انت عاوز السوالف طويلة و لا قصيرة
احمد: دوووونت ميند انى سينج انا اكسيبت
الحلاق : يعنى طويلة ولا صغيرة بردو
أحمد: طويلة وصغيرة يعنى متوسطة يا مان
احمد افتكر كلام الواد الروش مان وصحبي وقعد يجربه في الحلاق
الحلاق: طيب عاوز ايه تانى
أحمد: لا ولا حاجة بس ممكن اتشطف عندك يا صحبي
الحلاق : صحبي ... يا مغير الاحوال ما كان من شوية بادر دلوقتى صحبك اه يا بلد المصالح انتى
أحمد: للللللللللللللللللللللللللع دا انا صعيى وهجبلك صميدة وبوووى وامى كمان عشان متبقاش لوحدها ونجفلك الدكان دى
الحلاق: خلاص قلبك ابيض يا استاذ
احمد: ابيض ولا اسود تصدق يا عم انت فيك شبه من الجارسون بارد
الحلاق: طيب اسم الكريم ايه ؟
احمد: ليه هتصاحبنى ولا ايه يا عم وعالعموم انا أحمد
الحلاق : تشرفنا يا زووق ....أأأأأأأوم بقا ظبط حالك عشان تبقا تمام
احمد: طيب يا مان ثوانى بجاااااااااا
احمد قام غسل شعره وظبط الكلام تمام وهو اساسا مش معاه الا خمسة جنيه في جيبه بس عامل حسابه انه يشترى شيبسي ويظبط حاله
المهم

أحمد: طيب طلباتك يا عسل
الحلاق: في ايه بس
طبعا الحلاق بارد البرود صفة من صفات الحلاقين
أحمد: طيب خد يا عم مش خسارة فيك وهشتريلك ترمس كمان
الحلاق: ايه دا يا افندى دا انت غلبتنى معااااااك
المهم خناقة حصلت بالكلام بينهم هما الاتنين علي دخلة نوووور
نور: في ايه يا أحمد
احمد: دا حرامى عاوز ياخد منى خمسة ج وانا كوركى ولا ايه لالالالالالالالالالالاع
نور: طيب اسكت انت وعطت للحلاق 5 جنيه

احمد قلبه اطمن انه هيشترى الشيبسي والكلام دا
نور: انت بقيت قمر يا احمد اكتر من الاول
احمد: طب منا عاااااارف يا قمر انتى
واحمد ونور قعدوا يتكلموا كلام من دا كتير وكلام ع التليفون لحد ما احمد اعترف لنووور وقالها
أحمد: نوووووووووووووور
نور: ايوة يا احمد
أحمد: انا
نور: ايوة انت ايه
احمد: انا ب
ح
ب
نور: انت ايه بجد
أحمد : انا بحترمك اوووووووى يا نووور مش حاجة تانية هههههههههههههههه
نور: دا انت غلس
أحمد: لا بجد انا ..........
نور : ها ؟
أحمد : بالعربي أنا بحبك
بالتركى Seni Seviyorum سنى سفيوريم
بالصينى Wo ai ni وو أنى
بالعنجليزى I love you أى لفيو
بالفرنساوى Je t'aime جي تيم
بلألمانى Ich liebe dich إيش لاباديش
باليابانى Aishiteru إيشيتيرو
بإلايطالى Ti amo تي أمو
بالاسبانى Te quiero تكويار
بالبرتغالى Eu te amo إي تى أمو
طبعا نور اتصدمت من ثقافة أحمد وكلامه دا ونور طبعا قالتله انا بحبك

*
*
*
*
*
*
وكده يبقا خلاص[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات]) [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

[فقط الأعضاء المسجلين والمفعلين يمكنهم رؤية الوصلات]
[فقط الأعضاء المسجلين والمفعلين يمكنهم رؤية الوصلات](7).gif[فقط الأعضاء المسجلين والمفعلين يمكنهم رؤية الوصلات](7).gif[فقط الأعضاء المسجلين والمفعلين يمكنهم رؤية الوصلات](7).gif

يارب تكون عجبتكم القصة
ومستنى ردودكم
علشان
اجيب كمان