انواع الشباب على النت

[لــــــحــــــن الــــورد]

انواع الشباب على النت



النوع الاول

الي يدوبك لسه متعلم يدخل نت
بيبقى العمر يتراوح من 22 الى ما فوق ... وتلاقيه اول ما يدخل
هاي
ممكن نتعرف انا فلان ومن الحته الفلانيه
وتحسي ان فيه حنفيه
معلومات اتفتحت
واي حاجة تقوليهاله يقولك يعني ايه
مش فاهم وبعد
كل كلمة يقولك
اصل انا لسه جديد في النت
والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب
حظه

النوع الثانى

الي بيقعد على النت بس مش كتير
النوع ده كل كلامه
انا مشغولياتي كتير ومبحبش النت والكلام ده
وبعد
ما يكلم شوية يقولك
ممكن نكمل كلام في التليفون انا اصلي مبدخلش
النت كتير
ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي
بلوك

النوع الثالث

الي قاعد على النت ليل نهار
ده بقى شرحه يطول وينقسم لعدة
انواع

1- المقموص

ده بقى قاعد وحاطط ايده على زرار الزعل
اي حاجة تقوليها تبقي
بتقصديه او بتقللي من شانه
وبعد كام مرة كلام ممكن يقولك اديني
نمرة تليفونك
ولما تعتذري هيقولك انا هحترم رغبتك وهيركبلك الوش الخشب
ومن وقت للتاني هتاخدي البلوك ف وشك فنصيحه من اولها كده
اديله بلوك وديليت

2- ابو دم خفيف

ده شلل مركز ومتعرفيش
مين الي خدعه وقاله ان دمه خفيف
وكل كلامه قفشات وضحك
والمفروض انك تكوني مجامله
وتضحكي بس منصحكيش تيجي على
اعصابك

3- المودي

دي بقة شخصية بتتنوع كل يوم
على حسب المود
وهتحسي انك بتكلمي واحد
عنده انفصام ف الشخصية النهاردة
رزين وعاقل وبكرة لاسع وبعد
يومين رخم

وبعدها كيوت وفريندلي
طبعا الحكايه مش ناقصة جنان كفايه الي
الواحد فيه

4- اللزقه

والنوع ده عايز حزم ف التعامل معاه
لأن كل كلامه انتي فين ؟
بتتاخري في الرد ليه؟
انتي بتكلمي حد ؟؟
ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ...
ايه ده انتي لسه مجيتيش ؟؟؟

5- الناصح

صباح الصداع
مع كل جمله هتقوليها هتاخدي نصيحة وفيه عرض خاص
قولي
جملتين وخدي اربع نصايح
العرض مستمر حتى نفاد الكمية

انا انصحك انك تخليه يحصل
اخواته
الي فاتوا يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت فى الكليه
كنت عامل ازمه والبنات بتتخانق عليا......
المصيبة بقى ان اي
جمله
هتقوليها هيفهم ان انتي
معجبه اصله مش بمزاجك هتحبيه يعني
هتحبيه

7- حريقة بنات

ده بقى لو في منتدى او ميل جروب
تلاقيه مركز على كل البنات
ومبيعملش اي حاجة تانية غير كده
الكوميدي بقى لما يتلخبط ويعتقد
ان
الأسم ده انثوي
ويندمج وبعدين يطلع واحد
صاحبه

8- الكداب

من اول الأسم والسن
واي معلومة خدتيها كدب في كدب ومتعرفيش ليه
ده
بقى
انصحيه وخليه يغير اسمه على الماسنجر
ويخليه الكداب

9- العبيط

ده هتلاقيه على طول حاطط صورته
وذنب عليكي تتفرجي ويشيل الصورة دي
يحط التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96
واتخرج واشتغل واتجوز وجاب
عيال
ولسه قاعد يتعرف على بنات وكل ما يكلم واحدة يقنعها انه مش
متجوز
وبيدور على عروسة وصباح السرحان
ولو جربتي كل يوم تدخليله
بايميل
غير التاني هتسمعي قصة حياته
كل يوم مختلفة

النوع الاخير

وده احسن ينفع تكلميه على النت
هو المحترم اللى عارف حدوده ومبيتدخلش
فى اللى مالهوش فيه
وبيبقى دمه خفيف علشان ماتزهقيش منه
وبيحب يعمل اصدقاء كتير على النت
وتلاقيه جد ومابيحبش الكدب
بس بيحب يهزر بس بأدب
وتستريحيلو وانتى بتتكلمى معاه
على النت

وتعيشوووا وتاخدووو غيرها ياشباب
ههههههههههه

[yara]

هههههههههههههههههههههههههههههههههههههههههههه والنبى عسل يابثومه شرد شرد ولايهمك

[temoo]

فى الاول احب اقول كلمه ل يارا ده مش بثومه ههههههههههههههههههههههههههههههههههههههههههههه ههههه هههههههههههههههههههههههههههه


وتانى حاجة كده محدش يخوش النت احسن بقا

النت فى كل الوسال فى التعارف وكل شخص هوا اللى بينقى من كل الاشخص اللى يعرفا اللى

هوا عوزة بطريقه اللى انتى بتقولى عليها دى يبقا مفيش حد كويس بقا

على العموم شكرااااااا على موضوعك

[الامير تيمو]

انا موافق هيما فى الراىء بس معتقدش ان كل الناس كدة زى ما بتقول لحن يعنى فى ناس بيتدخلو يستفيدوا من النت ومش كله شات زى ما انتى بتقولى انا عن نفسى مبعملش شات الا اذا كنت فى وقت فراغ No Coment

[HaMaDa ElSaHeR]

شكرا يا لحن على موضوعك ومقبوله منك الكلام اللطيف ده ههههههههههههههههه

[بسكوته]

ههههههههههههههههههههههه يارا الحوله : دى لحن وبتشرد الشباب
ميرسى يا لحونه عالموضوع الجميل ده بس مش شرط يكون سنه 22
واكيد فى بنات خنقه كده بردو مش شباب بس

::::::::::::::::::::::لـولـلا

[mr mido]

والله انا رأى ان النت ده زى الحياه بالظبط زى ما فيه الحلو فيه الوحش وبعدين برده فى بنات كتير من النوعيات ديه وميرسى يا حوبى عالموضوع

[HaMaDa ElSaHeR]

انا من رأى ميدو وفعلا زي ما في الوحش فى الحلو ويارب ابعد عننا الوحشين واهديهم

[مهند]

وانا بردو من رائي ميدو زي ما في شباب كدة في بنات كدة بردو

[العاشقه]

انتوا مش لاقين حجة تتكلموا فية ولا اية خلاص انتوا اتشرتوا واللى كان كان ميرسى كتير لحن الموضوع لذيذ اووووووى يامشردهم ديما كدة

[لــــــحــــــن الــــورد]

ههههههههههههههههههههه
اعمل ايه بس ياعاشقه هما كده فعلا
بس ياجامعه المعظم كده فعلا وبيدخله النت علشان كده وقليل اوى لما يكون فى حد دخل النت علشان الاستفاده

[Mr_Viper]

يا جماعة طيب لية تظهرو عيوب الشباب فية بردة مميزات وانا عن نفسى اعتقد ان الانواع دى قليلة اوى والنوع اللى موجود كتير جدا دا
3- المودي

دي بقة شخصية بتتنوع كل يوم
على حسب المود
وهتحسي انك بتكلمي واحد
عنده انفصام ف الشخصية النهاردة
رزين وعاقل وبكرة لاسع وبعد
يومين رخم

وبعدها كيوت وفريندلي
طبعا الحكايه مش ناقصة جنان كفايه الي
الواحد فيه
ودا لان دوام الحال من المحال يوم حلو ويوم مر

وانت نسيت حاجة اسمها الصداقة والاخوة فية ناس بتستريح لناس على النت زى الاخوة ومن الاخر عايز كدا يبقى عليك وعلى الصراحة رقم 1

وشكرا على الموضوع وفى انتظار المذيد ان شاء اللة

[لــــــحــــــن الــــورد]

مشكور كتييييير على الاضافه

[تامر]

هههههههههههههههههههههههههههههههههههههههههههههههههه ههههههههه

حرام عليكي مش كل الشباب يا لحونه

[لينا]

ههههههههههههههههههههههههههههههههههههههههههه فعلا نصهم كده

[لــــــحــــــن الــــورد]

المعظم هو ده اللى انت قولت عليه

[Ahmed Mac69]

انتو عاوزين شباب تفصيل بقا

ههههههههههههههههههههههههههههههههه

بس زى ما قالو مش كل الناس

تسلمى يا لحن

[لــــــحــــــن الــــورد]

ياريت يكون فى تفصيل كنت انا اول حد يعمل كده
هههههههههههههههههههههههههههههههههه

بس انت لوحدك دماغ واللى يعرفك لازم يعمل تفصيل
ههههههههههههههههههههههههههههههههههههه

ميرسى يامكرونه لمرورك

[اتحدى العالم]

ههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههههههه هههههههههههههههههههههههههههههههههههههههههههههه هههههههههههههههههههههههههههه هههههههههههههه لا تعليق هههههههههههههههههههههههههههههههههههههههههههههههههه هههههههههههههههه

[لينا]

هههههههههههههه احلى شباب والله

[لــــــحــــــن الــــورد]

انت دخلت علشان تقول لا تعليق
هههههههههههههههههههههه

ميرسى حبيبتى انتى اللى احلى لينا