حوار ساخن بين الشباب والبنات ج2

[freeheart]

السلام عليكم ورحمه الله وبركاته


اعزائى اعضاء منتدى لحظه حب

الشباب والبنات كلها كل واحد ليه حلمه

الحلم الى ديما بيفكر انه هيخلص الابتدائى هيبقى كبر وراح الاعدادى

هيخلص الاعدادى ويبقى فى ثانوى وخلاص يااااااااااه

3 سنين وهيمشى بقى ويروح الكليه ومحدش يخنقه ويقوله

يابنى حرام عليك ذاكر خليك تنفع عاوزينك تدخل كليه حلوه

وطبعا انت مخنوق بقى تقوم تخرج وتروح وتيجى برحتك وتلعن ابو الدنيا بسببهم


تدخل كليتك ترتاح شويه بس مش كتير تفكر بقى انا هخلص وهعمل وهسوى

يااااااااه يا جدعان امتى الكليه تخلص عشان الواحد يعمل ويعمل


لكن ما اصعب الحلم ؟؟؟؟؟؟؟؟؟؟؟؟؟


طبعا الكل مش عارف انا لسه هتكلم على ايه ؟


بعد ما تتخرج هتلاقى قدامك طريق من اتنين


الاول : انك تقعد فى بلدك وتشتغل اى حاجه فى اى حاجه مش مهم ايه المهم انها تكون بتجيب فلوس ومش مهم تبقى فى نفس مجالك الى انت درسته يعنى مفيش مانع تبقى خرج جامعه محترمه وبتقدير وتروح تشتغل فرد امن فى فندق او حتى روم سيرفس طبعا انت بتعيش نفسك وتقول اهو شغل مؤقت لحد ما ربك يفرجها


الحل التانى : انك تمشى تسيب البلد وتمشى وتروح تشتغل فى اى حته بره بلدك وتشتغل برضه اى حاجه وفى شغل طبعا بيرضى بيه الانسان غصب عنه لانه بره ومش هيقدر يعيش الا كده يعنى ممكن تلاقى نفسك شغال فى بار المهم انك عاوز تجيب فلوس وخلاص


بقى كل تفكير الشباب انه عاوز يعمل حاجه عشان يعيش مرتاح ده مش وحش بس ازاى هتحقق حلمك

بس الحل فين ؟ الحل انك تقعد وسط اهلك وتشتغل اى حاجه وده مش عيب ؟ ولا تهاجر وتسيب البلد عشان تحقق حاجه اكبر ؟

[بسكوته]

موضوعك حلو يا بثومه والله كنت لسه بتكلم فيه من يومين مع اصحابى
التعليم بجد يزهق وممل قوى جداااااااااااااااا خالص وفى الاخر كل ده علشان شهاده هتتعلق ديكور اثلا واحتمال تترمى من اساسه

والحل هو السفر برااااااااااااااا
ده راييى

[freeheart]

ماهو السفر مش حل يا بسكوته

السفر يعتبر هروب من الموجود هنا

لكن هل انا هسافر وهشتغل ايه ؟

السفر عمره ما كان حل لمشكله السفر هروب
اه هو هروب شرعى وحلو عشان ابنى مستقبلى لكن انت مش هتسافر هتبقى باشا

فى اى مكان فى الدنيا هتسافر هتبقى عبد او خادم مش اكتر انما هنا لو اشتغلت اى حاجه .

هتبقى فى وسط اهلك وبلدك وعارف اخره الدنيا ازاى انما فى السفر انت عامل زى الا عمى فى وسط خناقه


للعلم انا من مشجعى السفر جدا

وشكرا يا بسكوته على ردك واهتمامك

[بسكوته]

وهو انت لما هتشتغل فى وسط اهلك هتشتغل شغل يطلع عينك ومش هيجيب تمن تعبك فيه اثلا
وبعدين انا مش هسافر برا اغسل صحون لاه طبعا هشتغل شغله عدله على الاقل برا فى شغلل تخصص لمجال دراستنا مش زى بلدنا هنا
برا بيهتموا بالناس وبيقدروها ويقدروا شغلها
لكن هنا اللى كانهم خدم فعلا

[freeheart]

ياااه

انتى لسه بتحلمى يا بسكوته

مفيش الكلام ده خلاص العقد ان كان فى مجالك ومناسب ليكى

يبقى هتدفعى تمن العقد مبلغ انا لو معايا المبلغ ده هعمل بيه اى مشروع

وهيبقى اسمى على الاقل بيزبس مان مفيش عقد ثابت للعمل فى مجال كذا

يمكن يكون موجود فى مجالك يا بسكوته
لكن مش موجود فى مجالى
مش موجود فى مجال العضو أ او العضو ب وهكذا

وان كان موجود لكل اعضاء المنتدى فهو مش متوفر لكل الشباب

[بسكوته]

ههههههههههههههههههه
لاه ما هو كله بفلوس طبعا
مش فى حاجه فى الزمن ده من غير مقابل مادى
حسب الفرصه بقى يا بثومه .. الواحد يحسبها
لو تدفع تمن العقد وتلاقى الربح من السفر اكتر من انك تستخدم الفلوس دى فى مشروع والربح قليل عن السفر اكيد تختار السفر
والعكس طبعا
بس كله فى الاول والاخر نصيب ومش فى حد بياخد اكتر من نصيبه
ميرسى لموضوعك يا بثومه

[freeheart]

ماهو كله بفلوس يا بنتى

وده الموجود

لكن مش كل عقد موجود سليم فى شروطه
وحصلت فى مصر الناس سافرت على مبلغ معين راحت لقت المبلغ اقل من النص

مبقاش فى حاجه سليمه والارقام الى كنا بنسمع عنها زمان دى خلاص
كل سنه وانتى طيبه مبقتش موجوده


شكرا لردك يا بسكوت واهتمامك ويارب حد من اعضاء المنتدى يدخل

[القلب المجروح]

والله بقى انا عن نفسى مش برجح موضوع السفر دا واللى تعمله بره بلدك تعمله جواها والشغل اى ان كان مش عيب ولا حرام بس على الاقل لما تتعب تكون وسط اهلك هتلاقى اللى ياخد باله منك اى نعم هنا مافيش عماله كافيه بس دا علشان احنا اللى مش عاجبنا اى حاجه مهو اللى هيسافر دا مش ممكن يشتغل فى بار زى ماقلتوا مثلا اشمعنى هناك مش عيب وهنا اللى عيب عارفين ليه علشان احنا شعب متكبر مش عاوز يبان وسط اى حد يعرفه ان بيشتغل فى بار مع ان لو اشتغلتها هنا هتبقى افضلك هتبقى وسط اهلك عارف بلدك مش على راى بثومه رايح وسط خناقه ومش عارف تتعامل معاهم ازاى وفى الاول والاخر ياجماعه دا بيكون نصيب طبعا وربنا يوفق الجميع ان شاء الله ومرسيه يابثومه على موضوعك

[البحر الغامض]

انا من راى السفر برا (اوروبا) مش عرب على الاقل هعرف اتعامل مع ناس متقدمين هتعلم منهم ازاى يبنو مستقبل والدليل انهم بقو اعظم دول العالم وحلم اى فتى مصرى او عربى السفر برا ليه عشان بلدك مش فيها شغل دا رد اى حد لكن انا شايف ان بلدك فيها شغل وكتير بس احنا عشان شعب مصرى عايزين الفرصه تيجى لحد عندنا وفى بلدك خير كتير اووووووووووى لكن فين الخير دا مع عظماء بلدك مصر بيدخلها 30 مليار كل شهر من قناه السويس يعنى بحسبه صغيره كل فرد فى مصر مش اقل من 4 الاف كل شهر فين هما بقأ الله اعلم الفرد المصرى لما بيموت الناس بتستلف ليه عشان يدفن يبقا الواحد يشتغل عند ناس تانيه متقدمين عشان على الاقل عقليتى تبقا زى عقليتهم عرفو يمسكو العصايه من النص زى مابيقولو وانا عن نفسى ومن وجهه نظرى افضل السفر بره عشان على الاقل لما اجى اعيش هنا ابقى اعيش مراتى ملكه ومش مشكله انحت الصخر عشان الانسانه اللى بحبها...... وياريت اللى يعلق على موضوعى مش يقول كلام اشعار يقول واقع وحقيقه ويقول ان المقام الاول والاخير فى بلدك .............. عايز اعرف ايه هو المقام الاول والاخير ياريت كل واحد يكمل النقط دى



البحرررررررررررررررررر

[البحر الغامض]

والاهل انا ممكن لما اشتغل بره اعرف اعمل حاجه اجيبهم يعيشو معايا وبردو هبقى فى وسط اهلى



البحررررر

[freeheart]

والله بقى انا عن نفسى مش برجح موضوع السفر دا واللى تعمله بره بلدك تعمله جواها والشغل اى ان كان مش عيب ولا حرام بس على الاقل لما تتعب تكون وسط اهلك هتلاقى اللى ياخد باله منك اى نعم هنا مافيش عماله كافيه بس دا علشان احنا اللى مش عاجبنا اى حاجه مهو اللى هيسافر دا مش ممكن يشتغل فى بار زى ماقلتوا مثلا اشمعنى هناك مش عيب وهنا اللى عيب عارفين ليه علشان احنا شعب متكبر مش عاوز يبان وسط اى حد يعرفه ان بيشتغل فى بار مع ان لو اشتغلتها هنا هتبقى افضلك هتبقى وسط اهلك عارف بلدك مش على راى بثومه رايح وسط خناقه ومش عارف تتعامل معاهم ازاى وفى الاول والاخر ياجماعه دا بيكون نصيب طبعا وربنا يوفق الجميع ان شاء الله ومرسيه يابثومه على موضوعك

شكرا لردك يا سلمى

لكن هو الشغل فى بار ولا اى حاجه دى تبقى حققت كل الى عندى

ثانيا يعنى ايه شغل فى بار يعنى بغضب ربى ولو عملت كده
ربنا مش هيوفقنى فى حياتى

ثانيا الكلاام ده لو كان فى شغل فى بلدى زى ما انتى بتقولى
مين الى هيشتغل شغل حلال وهيلاقى فيه القرش الحلال

[freeheart]

حسام اسمحلى اقولك ردك مش مقنع خالص
انت فاكر ان اوروبا متقدمين عن العرب
يمكن تكنولوجيا لكن الانسان المتحضر فعلا مش الى هو يخلى اختع ليها بوى فرند وغيره وغيره

انت بتقول اوروبا افضل من العرب

تسمحلى اسالك سؤال واحد وياريت اى حد برضه ليه تعقيب يرد عليه؟؟
دينك ولا حياتك ؟
هتسافر اوروبا ربنا يوفقك بس وانت خارج من المطار من بلدك خد معاك انسان تانى
انسان عنده استعداد يخسر اى حاجه عشان اعيش متقدم
مكنش رجعى فى وش الناس الى هناك
انسان مش يهمه حاجه
انسان ينسى دينه وبلده
ينسى اهله واصحابه
انسان ينسى تقاليده وعاداته



ولا زال البحث جاى عن حل هذه المشكله

[البحر الغامض]

انسان عنده استعداد يخسر اى حاجه عشان اعيش متقدم



انا اقتبست دى بس ممكن تقولى ايه اللى هخسره ؟؟؟؟؟؟؟؟؟؟؟؟

[freeheart]

عاوز تعرف هتخسر ايه يا صحبى
اقولك هتخسر ايه
اولا هتخسر نفسك كا انسان ليه كرامه
هتشتغل اى حاجه حتى لو مش موافقه شرعك ودينك
انا مش بتكلم على البلد
لان البلد حالها واقف ومفيهاش اى شغل ولا بعد ميت سنه
انا بتكلم على دينك وعلى نفسك
على قيمك وتقاليدك