الحرب الساخنه بين تامر حسنى وعمرودياب

[temoo]

بسم الله الرحمن الرحيم
********************
السلام عليكم ورحكه الله وبركاته
***************************

لحرب الساخنه بين عمرو دياب و تامر حسني



في البداية احب ان انوه عن شئ ضروري جدا
انا لست منحاز الي احد الطرفين من طرفي الحرب





عمرو دياب
اسطورة بمعني الكلمة تدرس في المدارس الان
تامر حسني
اسطورة جديدة تستحق الدراسه




لا جدال ان الاتنين بيقدموا فن محترم بيلقي صدي رهيب من النجاح
ولا جدال برضه انهم اكتر مطربيين عندهم شعبيه في مصر والوطن العربي





ايه بقي اللي بيحصل
انا مش فاهم



عمرو دياب اشتري طياره
تامر حسني اشتري هامر
تامر حسني والتصريحات العدائية ضد عمرو دياب
عمرو دياب انا مش بحب تامر حسني ولا خليفتي ولا حاجة





معقولة يا شباب اللي احنا بنسمعه ده
معقولة ده كلام يخرج من مطربين في قمة الاحساس
واللهي لو امريكا تعرف تامر وعمرو كنت قولت هما اللي بيوقعوا بين جمهورهم
في ايه يا شباب احنا عمرنا ما كنا كده ابدا ايه اللي حصل كلنا بنسمع تامر وعمرو وبنحبهم




معجبين تامر حسني بيقدروا الفنان عمرو دياب ومقدرين تاريخه كويس
ومعجبين عمرو دياب بيشيدوا بالفنان تامر حسني ومقدرين شغله وتاريخه





الاتنين انا بقول عليهم هما الحاجة الصح الوحيده اللي عملتها مصر
احنا والحمد لله فاشلين في كل حاجة
لا تعليم لينا حاجة في المحافل الدوليه
ولا السد العالي بيتصدر صفحات جرايد العالم ( انا مش بستهزق بحاجة علي فكرة )
لا كوره نافعين ولا سينما بنوصل لمهرجان كان
طبعا في هفوات مجرد هفوات بتعرف العالم ان في حاجة اسمها مصر
فلما بقي يظهر اتنين يرفعوا اسم مصر في المحافل العالمية نقوم نوقع ما بينهم






عمرو دياب
لو اتكلمنا عنه مش هتكفي صفحات المنتدي كلها علشان نعبر عن مطرب بني نفسه بنفسه
وتامر حسني برضه
اديكي شايفين المنتدي طويل عريض ولسه مستعرضناش الا الالبومين وكام كليب بس





ده يخرج يقولك عمرو دياب مين تامر هو اللي هيكسب
يقوم واحد يقوله لا يا مان احنا بنحب عمرو بس تامر احسن منه
واحد تاني يرد عليه ويقوله لا لا تامر الاصل وعمرو دياب فنان وكل حاجة بس تامر الاصل
يروح بقي عضو بيحب عمرو دياب ومشترك في كل مواقعه يدخل موقع لتامر حسني علشان بيحبه برضه
يلاقي كده يرد ويقول يا جماعه تامر كويس وكل حاجة بس عمرو الاصل برضه
المهم يفضلوا يردوا علي بعض وده بكلمه وده بكلمه
يقوم ده جاري علي سايت عمرو الحقوا بيشتموا في عمرو
والنبي والنبي احنا عيال علشان نعمل كده




استغربت كتير من الناس اللي بستهزق بتاريخ عمرو
واستنكرت الناس اللي بتهمش تاريخ تامر علي اعتبار انه عمره الفني البومين




بجد يا جماعه
ظاهرة عجيبة
وبصراحة كده اخدت اكبر من حجمها
وبدل ما نقول لا ده تامر وعمرو لو عملنالهم ميكس هيبقي نار
وبدل ما نعمل تصميم بيضم اتنين جابتهم مصر وتفتخر بيهم
تقوم مشاكل ما بين جمهور الفنانين المحبوبين





مش هاقول تامر قال انه بيحب عمرو كتير
ومش هاقول ان عمرو قال ان تامر خليفتي




بس هاقول دول فنانين محترمين بيقدموا فن محترم في زمن الاحساس فيه نعمه وربنا نعمه
لازم يا جماعه ناخد بالنا الاتنين دول بيكملوا بعض بيقدموا فن جميل بيرضينا وبنسمعهم علي مدار السنه





المشكلة انك تدور تلاقي ان اللي بشتم في عمرو حافظ كل اغانيه
واللي بيشتم في تامر عارف كل اخباره وحافظ كل اغانيه







طيب هاعمل تحدي بسيط جدا جدا ولو كسبته من نفسك كده تبطل تشتم مطرب من الاتنين



دلوقتي انت واحد بتعشق تامر
ووسع ياله تامر الاصل واوعي ياعم تامر هيولع الدنيا
ماشي انا معاك
ادخل كده فولدر الاغاني بتاعتك
ادخل بس
اتحداك شوف اتحداك وكمان مرة اتحداك
لو مافيش اغاني عندك لعمرو
شفت بقي
عد الالبومات بقي


ونفس الكلام لعشاق عمرو دياب
اكيد هتلاقي اغاني لتامر عندك






يا جماعه احنا شعب اصيل
ومش بنملك الا حاجاتين وعمرنا ما نفرتفيهم
هما ايه بقي قلبنا و اذننا
سبحان الله
احنا المصريين
شعب ذواق لابعد حد
يعشق الفن الاصيل
ويحب الفن المتجدد
يعشق الكلمة الحلوة
ويموت في لحن جديد


ربنا اداني موهبه جميلة جدا
اننا بنعرف نسمع صح
وبنعرف نميز صح




انا علي فكرة مش بهرب من نقطة الموضوع
بس الموضوع فعلا كبير كبير اوي




عمرو دياب وتامر حسني
يعني مش عارف اقول ايه تاني




كتير من الناس اللي فاكره نفسه عقلاء
يقولك ايه بقي
يا جماعه ده لون وده لون تاني خالص
علي اعتبار يعني ان تامر بيغني انا بكره اسرئيل وعمرو دياب بيغني طلعت يا محلي نورها




ما الاتننين بيغنوا نفس الالون وان يكن الرومانسي بيغلب علي اغانيهم هما الاتنين
الاتنين بيكملوا بعض وربنا بس محدش واخد باله




علي فكرة مافيش حد وراه العدواه دي
وده اللي انا مستغربله جدا
لان جمهور عمرو في منتهي منتهي الطيبة
وجمهور تامر يالهووي عليهم طيبين اوي بجد
يبقي ليه يحصل بينا كده





عموما يا جماعه اللي عايز اوصله ايه
ان عمرو دياب وتامر حسني مافيش بينهم اي عدواه ولا في بينهم اي شئ
طب تصدقوا وتامنوا بالله انا حاسس انهم هيعملوا دويتو ( مش عايز حد يضحك )
ليه لا
ليه ميخرجش توبكات تقول ان لازم عمرو يعمل مع تامر
ليه منكتبش ونعبر بما اننا جمهور المطربين دول ولينا حق عليهم






وتصدقوا برضه
ان لو تامر قابل عمرو هيسلم عليه
ونفس الكلام
لان الاتنين بجد بجد محترمين جدا ومش بيعرفوا يكرهوا
انا لما قابلت تامر واللهي ما يعرفني اخدني بالحضن واتكلم معايا
وحسيت انه بجد واحد صحبي او بمعني اصح مش غريب عليا او اعرفه من سنين
وواثق برضه اني لو قابلت عمرو (ياااااااارب ) هيعمل نفس ما عمل تامر بالظبط
لانهم اتنين بجد بجد محترمين جدا وبيغنوا بصدق وبحب علشان كده بنحبهم حب حقيقي




عموما الكلام كتير اوي في الموضوع ده
بس انا عايز وعد اننا نحترم عمرو دياب
وبرضه انا واثق ان جمهور عمرو هيحترم تامر حسني






ماهو يا جدعان مافيش حد بيقول شكل للبيع
ولا في حد بيشتم حد لله وللوطن








دعوه عامه لكل الناس
نحب تامر حسني وعمرو دياب
واللي مش موافق اكيد مش مننا
لاننا مش بنحب يكون في ادني عداوه بين حدا
احنا رابطة عشاق تامر حسني بنقول عمرو دياب علي راسنا من فوق
وبما اني عاشق لعمرو دياب بالنيابة عن جمهوره تامر حسني علي راسنا من فوق








وخلص الكلام علي رأي حماقي اللي بره لعبه الحرب دي خالص




عموما طولت عليكم اووووي انا عارف
بس بجد توبك كان لازم اكتبه من زمان






كان معكم من امام النيران ::::::::: الحـــــ وهـــم ـــــب

[اغـيب اغـيب]

يا هيما انت بتقول ايه بقي ايه مصر مجابيتش غير الاتنين دول ومين اللي من احسن المطربين اللي في الوطن العربي مع احترامي لتامر في ناس ليها شعبيه كبيره جدا جدا في بلاد العرب ومثال علي ذلك ايهاب توفيق في لبنان وتونس وحكيم بره الوطن العربي في فرنسا منير في المانيا شاب خالد برضو نفس الشئ فرنسا ناس كتير جدا جدا ووصلو للعالميه زي الشاب خالد والشاب مامي والامبراطور محمد منير وحرام المقرنه بين عمرو وتامر تامر لسه قدامه كتير لحد ما يوصل لعمرو دياب وعمرو دياب قاعده من قواعد مصر في الغني تامر بقاله 6 سنين لكن عمرو بقاله لا يقل عن 22 سنه بيغني يعني لما كان تامر طفل حرام تقارن ده بده وماله حماقي يا اخويا خارج المنافسه ليه مترشح من ضمن افضل 5 مطربين عام 2006 وحماقي مع احترامي للي بيحبو تامر انا بحب تامر اوي اوي لكن محمد حماقي ملهوش حل من افضل مطربين مصر في الوقت الحالي وانا عندي حماقي احلي من تامر حماقي بيطور من نفسه وعرف امكانيته ايه وبيشتغل صح بدليل انو عمل الالبوم ملهوش حل لحد دلوقتي احلي الالبوم في الصيف كله وعلي مدار السنه تامر ملقب بنهر الحب لانه بجد اغانيه الحب ملهاش حل لكن عمرو دياب الامبراطور في كل حاجه حب وفرح وحزن وسلو وكل حاجه بجد لما عمرو بيعمل شريط بيبقي كلمات جامده الحان جامده توزيع جامد صوت رهيب حرام اللي بيحصل ده لان مصر كلهابتحب عمرو دياب وفي ناس يا هيما دلوقتي صوتها احلي من تامر زي هيثم شاكر لؤي وفي ناس صوتها احلي من عمرو دياب اللي في سنه زي مصطفي قمر هشام عباس لو استغل صوته وبقي ذكي واستغل موهبته صح لانه بجد صوته ملهوش حل لو اختار الكلمات والحان والتوزيع هيبقي ملهوش حل صوته ليف ملهوش حل وفي ناس كتير بس مش واخده فرصه ويارب اكون وفقت في ردي علي الموضوع الجميل

[temoo]

بص يا يا اغيب انت جبت النقطه اللى انا عايز اتكلم فيها بس بعد عنها تانى

ازاى هفهمك من غير ضرب

يا جماعه محدش واخد باله من حاجة عامل الوقت عامل فرق كبيرررررر جداااااا

بين تامر وعمرو مش اكتر لكن شوف بعد 10 او15 سنه ايه اللى هيكون فى تامر ان شاء الله

هيكون حاجة كبيرة اوى لو فضل ماشى على المستوى الجميل دة

لكن عمرو بقله اكتر من 20 سنه بيغنى انتو بتكلمه فى ايه

يعنى انت احسبها كده تامر اول البوم طلعه كان امته 2003 صح واحنا دلوقتى فى 2007 لسه فى اولها

احسب كده الفرق الزمنى لكل واحد فيهم هتلقى انى تامر يكسب لسبب انى الوقت اللى طلع فى مخدش اكتر من اربع سنين


على العموم الاتنين فنانين محترمين زى ما قولنا

وبعدين حماقى ايه اللى لسه طلع اول امبارح دة

مصطفى قمر صوته حلو اول مرة اسمع عن الحكايه دة

المهم الكل عارف انا قد ايه تامرررررررررررر فنان عظيم بجد

[اغـيب اغـيب]

حماقي بقي من اول امبارح انت لو متابع المطربين كويس كنت عرفت اني حماقي نزل الالبوم قبل تامر بحوالي 6شهور لو تفتكر شريط خلينا نعيش سنه 2003 وتامر نزل شريط حب سنه 2004 وحماقي اول ما طلع هو ولؤي اخد احسن مطرب صاعد في الوطن العربي وحماقي اصلا بيغني منه سنه 2000 في اغنيه وطنيه بس انا مش فاكر اسم الاغنيه وانت لو تعرف ان مصطفي قمر بيغني بقاله 21 سنه من سنه 1986 يعني كان عندي سعتها سنه وتقول مصطفي مين انت بتسمع اخرك عماد بعرور يا هيما انت هتقولي علي زوقك لما تقولي فريق ام تي ام احلي من واما انا هستني منك ايه غير كده ناقص تقولي هيفاء وهبي احلي من اصاله

[temoo]

بص يا اغيب كويس انى انت جبت حاجة زى كده انا كنت نسيها

انت بتقول حماقى بيغنى قبل تامر انا معاك

بس حماقى عمل ايه قبل تامر ولا عرف يوصل للى وصل ليه تامر

وبعد هيى مش بلوقت يعنى

الوقت بيفيد فى حاجة واحدة بس الخبرة مش اكتر

بس تامر انسان فنان بلفترة سمعت عنها ولا

تامر من اول اغنيه ليا وهو مكسر الدنيا

هتقولى حماقى ولؤى حرام عليك

[اغـيب اغـيب]

يا راجل حماقي عمل ايه بدليل انو مرشح ياخد افضل مطرب سنه 2006 ولو قريبنت شريط بتاع عنيا بتحبك بشريط خلص الكلام انت لو بتفهم صح هتقول شريط حماقي يا ابني ده عمل حاجه بجد رهيبه انت لو ماشي في اي حته وسمعت بس التوزيع بتاع الشريط هتقول ملهوش حل يا ابني انا وماشي في الشارع وبسمع بس الميوزك بعرف اني اللي بيغني حماقي مين الميوزك بس انت لسه شكلك متعرفشي حاجه ياابني حماقي ملهوش حل ومشوفتيش حفلاته ولا شوفت الشباب اللي بتعرف تسمع صح بيقولو ايه عن حماقي تامر احسن من حماقي انو بيالف حلو ويلحن حلو لكن الصوت حماقي ومفيش وجه مقارنه حماقي يا ابني مطرب جامد جدا جدا جدا وعلي فكره انا بحب تامر اوي اوي وفي ناس كتير مش بتحب تامر لكن انا لحد دلوقتي والله مكلمتيش حد ولا اعرف حد مش بيحب حماقي وتامر نزل شرط فاكره تامر وشرين كان شريط زي الفل شرين بدعت في الشريط ده لكن تامر كان فين ولا نسيت الشريط ده كل واحد بيتحسبه اغانيه اللي غنها انت شكلك عندك الزهيمر يا ابني والله لؤي عنده نبره صوت ملهاش حل صوته جامد جدا تامر صوته بس بيظهر لما يعلي صوته غير كده بيبقي صوته عادي جدا حماقي صوته رقيق اوي اوي اوي يخوش من القلب علي طول ولا زي ما عمرو قال ابقي اقولها بيني وبينك

[temoo]

قال يعنى اللى بيسمع حماقى بقى خلاص بيعرف يسمع

[اغـيب اغـيب]

طبعا يا ابني وانت اخرك كده عماد بعرور ولو طولته حتي حد يسمع ام تي ام ويقول عليهم احسن مين واما وميمويقولي شرين صوتها احسن من اصاله انا مستني منكم ايه تاني انا اتشلت من الشله كلها حرام عليكم حبتولي امراض الدنيا كلها حراااااااااااااااااااااام ال شرين احسن من اصاله في الصوت ال

[اغـيب اغـيب]

واللي يقولي جنات من مصر وانت كنت زيهم بتعوم علي عوهم لقيت كل اللي قاعدين بيقول من مصر قولت اها هيا كمان من مصر وطلعت في الاخر من المغرب كان شكلو وحيشششششششششششششششششششش اوي اوي اوي اوي لما يكون قاعدين 4 وكلهم علي كلمه واحده واجي انا اقولك لا واتحداكم واكسب التحدي وانا كنت مصمم علي راي انت تعبان ياد ولا تعرف حاجه عن الفن انت اخرك تلعب كوره وانت لعيب غير كده ملكشي في اي حاجه

[temoo]

ياعم انت بتكلم فى ايه حماقى مين بس واصاله مين اللى احسن من شيرين

شيرين هيى التوب برضه

[بسكوته]

ههههههههههههههههههههههههه
حلو قوى الحوار ده

وانا مع راى اغيب الاولانى والتانى

بس انت يا هيما على رد جيت فى ا لألخر وجبت المفيد قلت اصاله ايه بس شيرين التوب

مع ان اصاله من قبل شيرين واصاله مش فى حق يقدر يقول انها عملت اغنيه واحده وحشه ابدا
انت قلت شيرين التوب اصاله مين

زى اللى بيقولوا عمرو مين ده تامر التوب
واللى بيقولوا تامر مين عمرو الاصل

يبقى انت عملت زيهم واتكلمت زيهم يبقى ليهم حق هما كمان يقولوا كده

مش هتفرق عمرو من اصاله من تامر من شيرين كلهم مطربين
وانت بتتكلم فى مبدا واحد ليه ننس ى تاريخ ده وليه ننسى انجاز ده واعماله الحلوه ونجاحه
وانت جيت فى الاخر نقدت كل ده واختصرته برايك

كل واحد بيعبر عن رايه .. وكل واحد ليه مطرب مفضل وبيحب باقى المطربين بردو

يبقى مش نستغرب من رد حد .. ده مش فيه لا تعصب ولا هى كوره

كله يعبر عن رايه براحته

ولو هنتكلم بقى بجد .. هتلاقى ناس لا ليها شكل ولا صوت وناجحه جدا ومشهوره

ميرسى لموضوعك هيما بس انت كده نقدت نفسك بردك الاخير

منين عاوز نقدر عمرو وتامر ومنين قلت اصاله مين شيرين التوب
دى زى دى

ميرسى للموضوع .. وكل واحد يحب اللى يحبه ويقول رايه فى اللى عاوزه

وفى الاخر دول مطربين يعنى بيوصلوا فن جميل وخلاص .. مش اكتر


ميرسى لموضوعك

[temoo]

انتى عندك حق بس هو نرفزنى اوى

جاب حاجات ملهش دعوة بلموضوع اساسا

وكمان بيقولى حماقى واصاله وشرين ايه اللى دخل دة فى دة

شكرا لمرورك يا بسكوته

[بسكوته]

لا يا هيما هو مش يقصد

هو بس بيديلك مثال باللى بيتكلموا وبيقولوا ده احسن وده التوب وده الوحش

مش اكتر

تلاقيك انت بس اللى فهمته غلط

وبعدين ده موضوع نقاش فهو بيديلك مثال

وحصل خير

[اغـيب اغـيب]

هو انت بتفهم علشان تتنرفيز راجع كلامك وانت بتقول علي رائ محمد حماقي اللي قال خلص الكلام كله وانت بتقول حماقي طبعا خارج المنافسه وانت بتقول كده ليه حماقي يا ابني لوحده كده شغال مع نفسه وطالع للفوق يا ابني شريط بتاع تامر اتباع علشان هو كان في السجن والناس وقفت جنبه بس غير كده لو نزل في ايام عاديه كان هيبقي عادي ولا هيحصله الضجه ديه كلها حماقي منزل شريطه في ايام كل الناس بتنزل فيها الالبومات وحقق نجاح ملهوش حل لو تفتكر نزل واصاله نزلت وجنات وجورج وسوف ووائل جسار محمد عدويه محمد نور امال ماهر بهاء سلطان رامي صبري وها اجبهملك كل مطرب بسم الالبوم بتاعه اصاله ( حياتي ) بهاء سلطان (كان زمان ) محمد نور (نور عنيك ) جنات ( اللي بيني وبينك ) جورج وسوف ( هي الايام ) رامي صبري ( حبيبي الاوليني) امال ماهر (اسالني انا ) وائل جسار (يوم زفافك ) تامر عاشور ( كل يوم) محمد كمال ( قلبي قالك ) محمد عدويه ( من كلمتين ) كل الالبومات ديه كانت جامده جدا جدا وهو نزل الالبوم محمد باشا حماقي (خلص الكلام ) وكفايه اغنيه رساله ديه لوحدها تنجح شريط بحاله حرام عليك جبتلي شلل انا اتخنقت منك قال انا اللي بنرفزك قال انت تنرفيز بلد

[اغـيب اغـيب]

ده غير الناس التعبانه اللي نزلت الالبمومات ملهاش لازمه خالص وانا بس بقولك ان محمد حماقي مينفعشي تقرنه بحد لانه ده شغال كده لوحده ومع نفسه وهو لو نافس اي حد غير عمرو دياب هيكسب المنافسه

[temoo]

يااااااااااااا

الناس التعبانه صح عندك حق ناس تعبانه

قصدك مين بقى جنات اللى اول مرة تنزل البوم

ولامحمد منور اللى عمل زيها

ولامحمد كمال اللى برضه اول مرة يعملها

ولا تامر عاشور وهيثم سعيد اللى لسه طلعلين

كل اللى انا عايز افهمهولك انى الناس دة اول مرة تنزل البومات

يعنى لازم اى حد صوته كويس تو اغنيه كويسه ينجح فى وسط الناس دة

وانا مش بقول كل دة عشان محمد حماقى وحش ولا حاجة لاء محمد حماقى صوته كويس

وبس انا بتكلم وزى ما الناس كلها بتكلم على تامر وعمرو

انت دخلت ناس تانى خالص

وشكرا ليك يا اغيـــــــــب

[temoo]

بس الموضوع كله يا بسكوته على تامر وعمرو مش على حد تانى

[shadysamo]

ياجماعة انتو خليتو الموضوع ياخد اكبر من حقو اوى انا على فكرة مش من المعجبين بى تامر اوى
بس بحب اسمع لية بعض الاغانى وبحترمو بس بحب عمرو دياب اكتر منو جدااااااا وبحب حماقى اكتر منو بص لى شريطو الجديد فى اغانى بجد جامدة جدا والاحاسيس بتاعت الاغنية حلوة جدا

وتعالى هنا طلعت اشاعة ان اخو تامر حسنى قال ان عمرو دياب الى سجن تامر حسنى طيب ال اية عشان مارحش يزرو فى السجن دة بى الزمة كلام ناس عاقلة عشان مارحش لية السجن يبقى هو الى حبسو نجم كبير زى عمرو دياب يخش السجن عشان تامر على اخر الزمن انت بى تتكلمو فى اية بس

وكل واحد لية فنو ياعم وكلهم محترمين ومالها اصالة انت كمان وشرين الاتنين على فكرة احسن من بعض ولا شرين التوب ولا اصالة التوب كل واحد لية اغانى لية واحنا بنحب اغنيهم
زى عمرو دياب وتامر كل واحد بيحب ليهم اغانى ليهم يبقى اية الاتنين توب خلاص الحوار على كدة
الاتنين احسن من بعض وحماقى برضو واصالة وشرين كلهم بنحب اغانيهم وبنحس بى اغانيهم اوى

وشكرا بجد ليك هيما
ومحدش يدى الموضوع اكبر من حقو مش تولعوها حريقة اوك

[temoo]

هههههههههههههههههههههههههههههههههههه

لا يا شادى انا بحب اولعه اتقل بس انت

فى الاول مفيش حاجة اسمها عمرو هو اللى حبسه لا

انا هقولك على الحوار كله تامر كان فى واحد من المسؤلين عايزة يغنلها فى فرح ابنه

تامر قال لا اعتزر يعنى

فا المسؤال الكبير دة ربنا يجعل كلمنا خفيف عليه قدم شكوة ضيد تامر

بموضوع الجيش بسسسسسسسسس

وفى الاخر اقولك كلامك صح يا شادى تسلم على الرد يا عسل

[shadysamo]

الواد محسسنى يعنى انو معاة رقم تامر وعلى اتصلات بية يعنى ادة خلاص عارف انت كل حاجة عن تامر خلاص ياعنى ياراجل اجرى بعيد ههههههههههه

[اغـيب اغـيب]

هيما وحياتي عندك بلاش انت تتكلم عن الفن لانك الا متعرفشي حاجه ولا تعرف انا اقصد ايه بالكلام ده انا بقولك ان حماقي نزل شريط وسط ناس توب زي اصاله وبهاء ووائل جسار وجورج والناس التانيه كلها جامده ياد اللي مش بتفهم انا بقولك في غير الناس ديه نزلت الالبومات تعبانه وان حماقي ينزل في وسط الناس الجامده ديه وشريطه ينجح النجاح ده كله يبقي حماقي مطرب جامد جدا جدا وملهوش حل انت اللي دخلت حماقي في وسط كلامك وتقول هو خارج المنافسه ومن كلامك بتقول ن عمرو وتامر مصر مجابيتش غيرهم وتامر احسن من حماقي وانت طبعا بتقول كده علشان انت بتحب تامر اوي اوي ومش بتحب حماقي علي فكره والله انا بحب تامر اوي اوي لكن محمد حماقي في نظري احسن من تامر في الصوت وفي الاغان بتاعته لان حماقي بيقدم حاجه جديده علينا زي التوزيع والتلحين والكلمات الجماده وقبل كل ده صوته الرهيب وهو تعب اوي اوي في الشريط ده علشان ينزل للناس بالجمال ده والحلاوه ديه وهو استغل صوته صح في الشريط ومن الاخر هو ذكي علشان عرف يتعامل مع ناس صح مع مولفين زي ايمن بهجت قمر وامير طعيمه وربيع السويفي ومع ملحنين جامدين زي حميد وعمرو مصطفي ومحمد يحيي ورامي جمال والموزيعين التوب تميم وتوما والناس ديه كلها لما يتجمعو في شريط زي كده لازم الشريط ينجح ويكسر الدنيا نادرا لما تلاقي كل الناس ديه في شريط واحد وكل واحد عاوز يطلع احسن حاجه عنده لانهم بيتعملو مع مطلرب ذكي وهيستغل صوته افضل حاجه وهو طبعا صوته شيل كتير في الشريط لو حد صوته تعبان مكانشي الشريط نجح كده واديك مثلا لو فاكر شريط بتاع حاتم فهمي كان مكسر الدنيا اي اغنيه في الشريط تشيل الالبوم لوحده لكن هو صوته مش قد كده الشريط مبقاش يتسمع لان ناس احسن منه نزلت حاجه وشكرا للشريط بتاعه لان صوته مش قد كده هو ده اللي عاوزه افهمهلوك ويارب تفهم كلامي صح

[temoo]

وحياتك عندى انا هسكت عشان خاطرك ههههههههههههههههههههههههه

[اتحدى العالم]

هههههههههههههههههه لا تعليق بجد

[ميزو معنى الحب]

احسب كده الفرق الزمنى لكل واحد فيهم هتلقى انى تامر يكسب لسبب انى الوقت اللى طلع فى مخدش اكتر من اربع سنين
مفيش حاجة اسمها تامر بالنسبة لعمرو دياب
حماقى اية بتاع اول امبارح انت لو بتفهم فى الاغانى مكنتش تقول كدا حماقى صوتة احسن من تامر100 مرة يبنى ااما عن تامر فغانية الحلوة معروفة وه على الترتيب
( قوللى بحبك - لسا بحبك- ميحرمنيش منك- صوتك) وملكش دعوة بجنات شريين اية يبنى دى
وهل سمعت اغانى مصطفى قمر عشان تحكم علية

[temoo]

هههههههههههههههههههه احسن بردو رايك كان هينرفزنى وكفايه اللى انا فيه

[لينا]

ربنا يوفق كل شخص بينهم وكل شخص ليه حياتوو

[temoo]

صح يا لينا بس ده ارئى كل واحد فى مطربه المفضل

[اتحدى العالم]

لتانى مرة فعلا لا تعليق

[temoo]

ما انا قولتلك احلى حاجة منك لا تعليق