الندالة(اوعى تكون فى يوم من الايام كدة زيهم)

[yara]

السلام عليكم ورحمة الله وبركاته

مبادىء الندالة من الحياة العامة بتاعتنا

وهنشوف دا بيحصل فعلا ولا لا


=================
فى المترو
=================
فى المترو وانت راكب المترو عادى زى مخاليق ربنا

لاقيت واحدة شكلها تعبانة وعماله ترسم على أى كرسى
ال يعنى تعبانة بجد وعايزة تقعد
المهم واحد عمل فيها أبن البلد الشهم وقلها أتفضلى يا ماما
رحت حضرتك زى البراشوت راشق على الكرسى
طبعا اول مبدأ من مبادىء الندالة انك تعمل عبيط
(( أمال بيطالبوا بالمساواة أزاى ))


===============
فى المترو
===============
طبعا اللى مركبش المترو بتاع خط حلوان المرج او شبرا المنيب
يبقى مجاش مصر من أساسه
المهم
حضرتك راكب فى المترو وطبعا فى محطات بيبقى المترو زحمة جدااااااااا
بتعمل انت ابن البلد الشهم
وتمسك الباب لاى واحد جاى علشان يركب
واول ميبقى خلاص هيركب بتقوم سايب الباب يقفل

===============
فى العزاء
===============
لو أنت وواحد صاحبك فى عزاء
أعمل أى حاجة تخليه يضحك وأول ما يضحك أعمل فيها الشاب الهمام
وقوله متخلى عندك دم يا أخى ويا سلام لو تكون بصوت عالى

=============
فى الشارع
=============
لو وانت ماشى فى الشارع قابلتك واحدة ست عجوزة
وقالت لك عدينى الشارع يا ابنى اللهى يسترك
طبعا بتأخدها وتعديها وتسيبها فى الجزيرة اللى فى نص الطريق وتعمل عبيط

============
فى النت
============

لو اتعرفت على مجموعة ناس عن طريق النت وحبوا انهم يشوفوا سحنة حضرتك
اتفق معاهم على الميعاد والمكان

ويا سلام لو تختار مكان مفيهوش اى حته ظل
والشمس تأكلهم
وتديهم بمبة وتفلسع ومترحش

============
فى البيت
============
أبوك بيتخانق مع امك كالعادة
تيجى أنت بقى علشان تهدى النفوس تقوله بينك وبينه
دى وانت مش هنا كانت بتقول عليك أنك راجل جربوع
لو كنت أتجوزت ابن عمى كان زمانه مهنينى
وأنك كنت بتبوس التراب اللى بتمشى عليه
وبعد كده تروح للحاجة الوالدة
وتقول لها دا بيقول عليكى انك كنتى هتموتى عليه
وكمان بيقول انك مكنتيش عجباه
وابوه هو اللى غصبه على الجوازة الفقر دى علشان ابوكى صاحبه

طبعا بعد كده ممكن يقتلوا بعض وهتعيش انت مستريح بقيت عمرك


=============
مع أصحابك
============

لو صاحبك غلبان أوى وملوش فى اى حاجة
وانتوا ماشيين فى الشارع زقة على اى بنت
وبعدين زعق له وقوله برضه مش هتبطل قلة الادب دى
قلت لك مليون مرة وانا ماشى معاك متعاكسش بنات

طلعا البنت هتديله باللى فى رجلها
وانت تسيبه وتخلع لان اول مهى هتديله باللى فى رجلها
الشعب كله هيبقى فى اللحظة دى ابن بلد وهيأكل علقة مكلهاش حرامى غسيل


===========
مع أصحابك
===========

لو صاحبك هو هو اللى فات بيحب واحدة جميلة أوى
أتعرف عليها أنت وظبتها وأديله أستمارة 6


===========
مع أصحابك
===========


لو انت وصاحبك ماشيين بالليل متأخر
وخير اللهم أجعله خير طلعت عليكم قبيلة من الكلاب الضالة
حاول بأى شكل من الأشكال أنك تهيجهم

وبعدها أجرى انت وهو بقى
علشان من حفر حفرة لأخيه وقع فيها


ملحوظة : جميع هذه المواقف مستوحاة من الواقع ومنها ماحدث بالفعل
اللى هينفذ أى بند من المبادىء دى أنا غير مسؤل عن ذنبه

[تامر]

يسلمو yara موضوع جميل

[لــــــحــــــن الــــورد]

ميرسى يايويو على الموضوع

[بسكوته]

ميرسى على الموضوع يارا

[اغـيب اغـيب]

هههههههههههههههههههههههههههه
ده انا بعشق النداله وياسلام لما تكون راكب انت وواحد صاحبك وهو مش معاه فلوس وتسيبوه تنزل ومدفعلهوش الحساب يااااااااااااااه بتبقي زي الفل بتبقي ندل اوي اوي اوي
لانها حاصلت معيا اديت لواحد صاحبي كل الفلوس اللي معيا علشان مش عارف اشيلهم خيق ليقعو ميني وسابني في التاكسي وخلع انا عملت ايه كملت بالتاكسي لحد البيت جيبت فلوس ونزلت بس بطته بعض كده في حوار مينفعشي يمشي ويسيبه خالص في محل اكل اكلنا وانا خلصت الاول وكان معيا انا الحساب سيبته ومشيت زي ما عملها فيا بس بتاعتي فيها نداله اكتر
ده انا بموت في النداله
هههههههههههههههههههههههههههههه
وشكرا ليكي علي الموضوع اللي كله نداله يا يويو وربنا ما يجعلنا اندال خالص

[لينا]

ميرسي يارا جزاكي الله كل خيرررررر

[yara]

مرسيه ياجماعه على مروركم بس يااغيب انا متاكده انك ندل باين من شكلك مرسوم عليه نداله هههههه انا بعد كده مش هقولك غير الندل هههههههه انا مجبتش حاجه من عندى انته الى قلت انا هشردك بس اصبر عليا هههههههههه

[اغـيب اغـيب]

شردي زي منتي عاوزه بس انا مش ندل انا بحب النداله مع اللي يندل معيا بس مش اكتر لكن انا والحمد لله ارجل من الرجوله والناس كلها تعرف كده بس اللي يبقي ندل معيا في يوم مش هيشوف غير النداله طول حياته علشان يعرف ان الله حق بس مش اكتر
وانا احبها منك لو قولتي ليا يا ندل عادي مش هتفرق كل واحد واثق من نفسه بس كده ولا اقولك هغير اسمي وهخوش بسم جديد عودة الندل مش عبله كامل لا احمد ميدو هههههههههههههههه